ب رێیا هۆنەری ئازارێن ئێزدیان دگەهینتە جیهانێ
تۆرا لالش یا راگەهاندنێ
هۆنەرمەند”مەحسن ئلیاس”ناڤدارە ب “مەحسن جیلكی” ب رێیا هۆنەری ئێش و ئازارێن خەلك و مللەتێ خۆ یێ ئێزدی دگەهینتە جیهانێ و راگەهاند،نۆكە كار ل سەر چێكرنا سترانەكێ ل سەر كارەساتا شنگالێ دكت.
جیلكی،خەلكێ ناوچەدارییا سنوونێ یە ل قەزا شنگالێ پشتی فەرمانا ب سەر ئێزدیان دا ل شنگالێ هاتی قەستا ئەلمانیا كر و نۆكە ل وی وەلاتی دژیت و بۆ رۆژناما دەنگێ لالش دبێژت:”ئەگەرێ چوونا من بۆ دەرڤەی وەلاتی ژبەر نەگرنگی دان ب خەلكێ مە و گیرۆبوونا رزگاركرنا شنگالێ ب تەمامی و هەبوونا ناكۆكیێن سیاسی ل دەڤەرێ بوویە،بەلێ نۆكە ب رێیا هۆنەری ئێش و ئازارێن خەلكێ خۆ دگەهینمە جیهانێ و یێ كار ل سەر چێكرنا سترانەكێ ل سەر كارەساتا شنگالێ دكەم”.
گۆتژی دناڤ گرۆپەكێ پێكهاتی ژچەند هۆنەرمەند و مۆزیكژەنێن جودا و خەلكی بیانی كار دكەم و ستران و ئاوازێن فلكلۆرێ شنگالێ دناڤا گرۆپی دا جهەكێ تایبەت هەیە و ئەو دبێژن هۆنەری وە هۆنەرەكێ دەولەمەندە.
تُتاح هذه الصورة أيضا في: کوردی