ئەردۆغان: پشتەبەستنا ھەڤپەیمانان ب پەکەکێ تورکیا دلگران دکەت

ئەردۆغان: پشتەبەستنا ھەڤپەیمانان ب پەکەکێ تورکیا دلگران دکەت
WAAR-دهۆک:

سەرۆککۆمارێ تورکیا راگەھاند؛ پشتبەستنا ھەڤپەیمانان ب ھێزێن پەیەدێ و پەکەکێ د بەرھنگاربوونا داعشێ دا، تورکیا دلگران دکەت.
رەجەب تەیب ئەردۆغان، د رێ و رەسمەکی دا باوەرناما دکتورایا فەخری ژ زانکۆیا (جامیا میلیا) یا ئیسلامی ل ھندستانێ وەرگرت.
د پەیڤەکێ دا ئەردۆغان راگەھاند؛ گەر ئالییەک پشتەبەستنێ ب پەکەکێ و پەیەدێ بکەت بۆ بەرھنگاربوونا داعشێ، دێ تورکیا دلگران کەت، پێدڤی ژی ب وان رێکخستنان نینە.
ئەردۆغان رژدییا وەلاتێ خوە د بەرھنگاربوونا داعشێ دوپات کر و راگەھاند؛ داعش د ئیسلامێ دا روو رەشە و گەفە ل سەر و مۆسلمانان، نە ژ نێزیک و نە ژ دوور ژی پەیوەندی ب ئیسلامێ ڤە نینە.
گۆت ژی: پێدڤییە ھەموو ئالی دگەل ھەڤپەیمانان کار بۆ نەھێلانا داعشێ و ھەموو رێکخستنێن تیرۆرستی بکەن.

تُتاح هذه الصورة أيضا في: کوردی