“ڤەخوارنێن غازی بەرسۆژێ ئالۆز تر دکەت”
خور
نۆژدارەکێ، دیار کر کو ژ وان ڕێکێن نە دورست بۆ سەرەدەریێ دگەل گرفتا بەرسۆژێ ئەوە، مرۆڤ قودیکەکا سڤنێ یان ڤەخوارنێن دی یێن غازی ڤەخۆت، ب مەرەما ڕزگار بوونێ ژ ڤێ گرفتێ.
(د.عەدنان ئاکرەیی) بسپۆرێ نەخۆشی و نەشتەرگەریێن گشتی، بۆ (خۆر نیوز) ڕاگەهاند: ” هندەک ژ پێکهاتا ڤان جۆرە ڤەخوارنێن غازی، وەکو (تڕشیا سیتریک- سیتریت- بێنزویت- سۆدیۆم) دبنە ئەگەرێ ئالۆز کرنا بەرسۆژێ، چونکی ئاریشا سەرەکی یا ڤان جۆرە ڤەخوارنان ئەوە، ڕێژا تڕشیا وان زێدەیە کو (PH) دگەهیتە (3.7)پلا، و پشتی ڤەخوارنێ تڕشیا دناڤ گەدەیی دا زێدەتر دبیت، ئەڤ چەندە ژی بەرسۆژێ ئالۆز تر دکەت”.
نۆژدارێ ناڤبری، دیار ژی کر: ” هەر چەندە ڤەخوارنێن غازی دبنە ئەگەرێ دروست بوونا بڕکان، کو بێهنڤەدانا دەمی ددەتە هناڤان، لێ نابیتە چارەسەری بۆ بەرسۆژێ، بەرۆڤاژی ڤێ چەندێ، بەرسۆژێ ئالۆز تر دکەت”.
تُتاح هذه الصورة أيضا في: کوردی