وەزارەتا پێشمەرگەى به‌رسڤا سەرکردەیەکێ حەشدی شەعبی دده‌ت
رووداو – هەولێر
وەزارەتی پێشمەرگەی حکومەتی هەرێمی کوردستان لە راگەیێندراوێکدا وەڵامی سەرکردەیەکی حەشدی شەعبی دەداتەوە و رایدەگەیێنێ، کاری ئەو سەرکردە سەربازییە نییە قسە لەسەر بابەتی سەربەخۆیی کوردستان بکات. دەشڵێت: “باشترە سەرقاڵی ئەرک و کاری خۆت بێت، بابەتێک کە پەیوەندی بەتۆوە نەبێت و کاری تۆ نەبێت، بۆت نییە قسەی لەسەر بکەی”.
روونکردنەوەیەک لە گوتەبێژی وەزارەتی پێشمەرگەی حکومەتی هەرێمی کوردستان
ئەبو مەهدی موهەندس، جێگری فەرماندەی حەشدی شەعبی لە لێدوانێکدا کە لە کەناڵی شەرقییە و چەند شوێنێکی دیکە بڵاوبووەتەوە، رێگەی بەخۆی داوە قسە لەسەر بابەتی سەربەخۆیی کوردستان بکات و پێیوایە سەربەخۆیی کوردستان نایەتەدی و تەنیا رێکلامی سیاسی و هەڵبژاردنە.
لە وەڵامی ئەم زێدەڕۆییە، بەم بەرپرسە سەربازییەی حەشد دەڵێین کە ئەرک و کارەکەت دیارە چییە و باشترە سەرقاڵی ئەرک و کاری خۆی بێت، بابەتێک کە پەیوەندی بەتۆ نەبێت و کاری تۆ نەبێت، بۆت نییە قسەی لەسەر بکەی.
گوتەبێژی وەزارەتی پێشمەرگەی حکومەتی هەرێمی کوردستان
13ـی 8ـی 2017
تُتاح هذه الصورة أيضا في: کوردی