دهمێ تۆماركرنا کاندید و لیستان دەست پێ دكت
رووداو- هەولێر
وادەی تۆماركردنی کاندید و لیست و قەوارە سیاسییەکان بۆ هەڵبژاردنەكانی پەرلەمان و سەرۆكایەتیی هەرێمی كوردستان دەستپێدەكات.
جووتیار عادل، ئەندامی ئەنجومەنی كۆمیسیۆنی باڵای سەربەخۆی هەڵبژاردن و راپرسیی هەرێمی کوردستان بە تۆڕی میدیایی رووداوی راگەیاند:” لە رۆژی یەكشەممە 3-9-2017 ەوە تۆماركردنی ناوی لیست و قەوارە سیاسییەكان بۆ هەڵبژاردنی خولی پێنجەمی پەرلەمانی كوردستان و كاندیدانی سەرۆكایەتیی هەرێمی كوردستان دەستپێدەكات”.
وەکو جووتیار عادل باسی کرد، وادەی خۆتۆماركردنەكە تاوەكو 18ی ئەیلوول بەردەوامدەبێت. حیزبەکان و قەوارە سیاسییەکان، یان ئەو کەسانەی بەنیازی پێکهێنانی لیستن، یان ئەو کەسایەتییانەی بەنیازن خۆیان بۆ پۆستی سەرۆکی هەرێمی کوردستان کاندید بکەن، پێویستە لەو ماوەیەدا سەردانی کۆمیسیۆن بکەن.
بڕیارە رۆژی 1-11-2017 هەڵبژاردنەكانی پەرلەمان و سەرۆكایەتی هەرێمی كوردستان پێکەوە بەڕێوەبچن. هەروەها رۆژی 6-11-2017 كۆتایی بە وادەی خولی چوارەمی پەرلەمانی كوردستان دێت.
تُتاح هذه الصورة أيضا في: کوردی