شێلادزێ: شەھیدبوونا حەفت ھاولاتیان دبوردومانا فروکێن تورکیدا
بادينان سات
دبوردومانا فروکێن شەرکەرێن تورکیا دا حەفت ھاولاتیێن ئاکنجیێن ناحیا شێلادزێ ھاتینە شەھیدکرن. فەرەج رێکانی بەرپرسێ کومیتا رێکخستنا شێلادزێ یا (ی.ن.ک) بو کەنالێ بادینان سات راگەھاند، ل شەڤا ١٩ ل سەر ٢٠ ڤێ مەھێ فروکێن شەرکەرێن تورکیا دەڤەرا نێروە رێکان بوردومان کر، و دئەنجام دا ل گورەی زانیاریێن بەردەست حەفت ھاولاتیێن ئاکنجیێن ناحیا شێلادزێ شەھید بووینە. فەرەج رێکانی خۆیا کر، ئەو ھاولاتیە ب مەرەما راڤا ماسیا و کومکرنا بەروبومێ خۆ یێ چاندنێ قەستا گوندێن کریادێرێ و سیتە کربوو، بەلێ فروکێن تورکی ئەو ھاولاتیە کرنە ئارمانجا بومب و موشەکێن خۆ، و بەرپرسێ کومیتا رێکخستنا شێلادزێ دا زانین کو ھەتا نوکە جەنازێن وان ھاولاتیان نەھاتینە زڤراندن ژبەرکو ئەو دەڤەرە بەردەوام ژلایێ توپخانە و فروکان ڤە دھێتە بوردومان کرن.
تُتاح هذه الصورة أيضا في: کوردی