مووچێ كێمئەندامان دێ ئێته زێدهكرن
هەولێر-KDP.info-
لەگەڵ دابەشكردنی مووچەی مانگی ئاداردا، حكوومەتی ھەرێمی كوردستان بڕیاری داوە مووچەی كەمئەندامان زیاد بكرێت و، گوتەبێژی وەزارەتی كار و كاروباری كۆمەڵایەتییش دەڵێ، بڕیارەكە ھەموو خاوەن پێداویستییە تایبەتەكان دەگرێتەوە.
ھەمزە مەغدید، گوتەبێژی وەزارەتی كاروباری كۆمەڵایەتی، بە ماڵپەڕی فەرمیی پارتی دیموكراتی كوردستانی راگەیاند: “حكوومەتی ھەرێمی كوردستان بڕیاری داوە بە زیادكردنی مووچەی كەمئەندامان و خاوەن پێداویستییە تایبەتەكان، لەگەڵ دابەشكردنی مووچەی مانگی شوباتیش ژمارەیەك لە خاوەن پێداویستیی تایبەت سوودمەند بوونە لە زیادكردنی مووچە، بەڵام بەشێكی زۆریان ماون و بڕیارە لەگەڵ دابەشكردنی مووچەی مانگی ئاداردا، ئەوانیش بگرێتەوە و مووچەكانیان لە ٩٠ ھەزار دینارەوە بەرز دەكرێتەوە بۆ ١٢٠ ھەزار دیناری عێراقی”.
مەغدید ئاماژەی بۆ ئەوە كرد: “راپۆرتی پزیشكیی كەمئەندامان گەییشتووەتە وەزارەت و لە مانگی نیسانەوە وەزارەت دەستی كردووە بەوەی كە ناوی كەمئەندامان بخرێتە نێو سیستمی داتابەیسی وەزارەت و، پێشبینی دەكرێت لە ماوەی دوو مانگدا كۆتایی بەو پڕۆسەیە بێت و ئەنجامی لیژنەی پشكنینی ھەموو كەمئەندامان ئاشكرا بكرێت”.
تُتاح هذه الصورة أيضا في: کوردی