كەمپینا خانكێ بۆ پشتەڤانیكرنا ریفراندۆما كوردستانێ هاتە دانان
تۆرا لالش یا راگەهاندنێ
ل كۆمەلگەها خانكێ كەمپینا پشتەڤانیكرنا كوردێن ئێزدی،بۆ پرۆسا ریفراندۆما سەربەخۆبوونا كوردستانێ بۆ ماوێ 10رۆژان هاتە دانان.
بەرپرسێ سەنتەرێ خانكێ یێ رەوشەنبیری(نەسیم عەلی)دیاركر،ژبۆ پشتەڤانیا ریفراندۆما سەربەخۆبوونا كوردستانێ كەمپینا خانكێ ب هەڤكاری دگەل بنگەهێ لالش تایێ خانكێ و باژێرڤانیا كۆمەلگەهێ هاتە دانان،كو پێك دئێت ژ كۆمەكا مامۆستا و رەوشەنبیران،كەمپینێ ل رێككەفتی 10/9دەست پێ كر و هەتا 22ی ڤێ هەیڤێ دێ یا بەردەوام بت،كو رۆژانە بۆ ماوێ سێ دەمژمێرا ئاهەنگ و سمینار و گوڤەندێن كوردەواری و هشیاركرنا هەستێ نەتەوەی و هتد دێ ئێنە گێران،مەرەم ژێ ئەوە ئەم كوردێن ئێزدی پشتەڤانێ سەربەخۆبوونا كوردستانێ نە.
ژبال خۆڤە سەرۆكێ بنگەهێ لالش تایێ خانكێ(عەنتەر كەلۆ)خویاكر،رۆژانە چالاكیێن جۆراو جۆر دئێنە ئەنجام دان،ژبۆ هاندانا خەلكێ دەنگێ خۆ ب بەلێ بۆ سەربەخۆبوونا كوردستانێ بدەن و بچنە سەر سندۆقێن دەنگدانێ،ژبەركو دەلیڤەكا زێرینە بۆ مللەتێ مە و پاشەرۆژا خەلكێ وەلاتێ مەیە.
تُتاح هذه الصورة أيضا في: کوردی