داخواز دئێتە كرن گەلێ كوردستانێ ب بەلێ پشكداریێ دریفراندۆمێ دا بكن
تۆرا لالش یا راگەهاندنێ/هەڤال عەلۆ ساڤارا
چاڤەرێ یە ل رۆژا 25/9/2017ێ ریفراندۆما سەربەخۆبوونا كوردستانێ بێتە ئەنجام دان،تەخێن جودایێن جڤاكی تەكەز دكن كو كوردستان نهۆ ل گۆرەپانا دەولەتبوونێ یە،پێتڤیە لسەر ملێ هەر تاكەكی كورد لڤێ رۆژێ بەرەف سندۆقێن دەنگدانێ بچن و ب دەنگێ بەلێ پشكداریێ د ریفراندۆمێ دا بكن و داخواز دئێتە كرن هەموو پشتەڤان بن بۆ سەرخستنا ڤێ پرۆسێ.
رێڤەبەرێ نڤیسینگەها شنگال یا دەزگەهێ خێرخوازیێ بارزانی( پیر دەیان)دیاركر،پێتڤیە لسەر ملێ هەر تاكەكی كورد ل رۆژا 25/9/2017 بەرەف سندۆقێن دەنگدانێ بچن و ب دەنگێ بەلێ بۆ سەربەخۆبوونا كوردستانێ پشكداریێ د ریفراندۆمێ دا بكن، داكو مللەتێ مە رزگار بت ژ حكومرانیا مللەتێن دی و ئێدی كورد ئیدارەیا حكومی ل كوردستانێ ب رێڤە ببەت و بێژت ئێدی بەسە بن دەستی و زۆری و كۆمكوژیێن ب سەرێ كوردا دئێن ژ دەوروبەر كو هەردەم دوژمنی ڤیایە مللەتێ كورد ژناڤ ببەت.
مامۆستایێ زانكۆیا دهۆك (د.نەعمەتواللە نەهێلی)خویاكر،ریفراندۆم پێنگاڤەكا ئاشتیانەیە بۆ گەهاندنا دەنگێ مللەتی بۆ ناڤەندا بریارێن جیهانی كو حەز و خواستا مللەتی بۆ ڤێ قۆناغێ دیاردكت،مخابن هندەك لایەن هەنە دژاتیا سەربەخۆبوونا كوردستانێ دكن یان دخوازن نێتە كرن چ پێگهۆرەكی بەرژەوەندی خواز پێشكێش ناكن و چ پرۆژێ دیتر نینە ژ ڤێ پێنگاڤێ باشتر بت، سەر نەگرتنا ریفراندۆمێ وێ دگەهینت دوژمنێن كوردستانێ لسەر مە زال ببن و ئەم وەك مللەتەك بێ ئیرادە دیارببین،داخواز دكەمگەلێ كوردستان هەموو پشتەڤان بت بۆ سەرخستنا ڤێ پرۆسێ داكو بكارن پێنگاڤا دوڤدا ب باوەری بەرەف راگەهاندنا دەولەتا كوردستانێ ڤە بچن.
هۆزانڤان(میران سەباح) گۆت:ریفراندۆم مافێ رەوایێ مللەتێ كوردە وەكو هەموو مللەتێن جیهانێ دەنگ لسەر چارەنڤیسێ خۆ بدەن، داكو جارەك دن كیمیاباران و ئەنفال و فەرمان و كۆمكوژی نەهامەتی و دەربەدەری دووبارە نەبت،كوردستان نهۆ ل گۆرەپانا دەولەتبوونێیە دڤێت ئەم كورد ب هشیاری پێنگاڤان بۆ پاڤێژن و باشترین دەلیڤەیە و دووبارە نابت، وەكو وەفایەك بۆ خوینا شەهیدان و خۆراگریا پێشمەرگەهێن قەهرەمان ل كوردستانێ پێكڤەژیانا ئایینی و نەتەوایەتی ل كوردستانێ،لەورا فەرە ب دەِِنگێ بەلێ پشكداریێ د دەنگدانێ دا بكەین.
تُتاح هذه الصورة أيضا في: کوردی