پارتەکا باکووری کوردستانێ: ئاسایشا کوردستانێ تێکنەدەن
باکووری کوردستانێ-KDP.info-
پارتیا سۆسیالیستا کوردستانێ بەیاننامەک دەربارەی خۆپێشاندانێن هەرێمی بەڵاڤکر و داخواز ژ خۆپێشاندەران کر ئاسایشا کوردستانێ تێکنەدەن.
ئەڤرۆ(١٩-١٢-٢٠١٧)ـێ، پارتیا سۆسیالیستا کوردستانێ ل باکووری کوردستانێ دبەیاننامەکێ دا کو دانەیەک بۆ ماڵپەرێ فەرمیی یێ پارتی دیموکراتی کوردستان شاندیە و تێدا هاتیە، خۆپێشاندان ل ھنەک باژار و باژارۆکێن باشووری کوردستانێ بەردەوامە، مخابن د ڤان خۆپێشاندانان دا ھنەک ئاڤاھیێن دەولەتی و پارتیێن سیاسی ھاتنە شەوتاندن، بێ گومان خۆپێشاندان ل دژی ھنەک پرسگرێکێن چڤاکی، سیاسی و ئابۆری مافەکی رەوایە، لێ بەلێ ب کار ئانینا توند و تیژیێ، روخاندن و شەوتاندنا ئاڤاھیان ژ ئالیێ خۆپێشاندەران نە تەنێ مافەک نینە، ھەرهۆسا زرارێ ددە داخوازێن رەوا.
دبەیاننامێ دا ئەو یەکە ژی هاتیە، توند و تژیێ پرسگرێکان چارەسەر ناکە، بەرۆڤاژیێ ئالۆزتر دکەت و دبە سەدەما ڤێ یەکێ، کو دەولەتێن نەحەزێن کوردیێن ناڤچەیێ دەستێ خوە درێژێ کار و بارێن ناڤخوەیی بکن، توند و تژیێ ھەر هوسا دەسکەڤتێن نەتەوی،یێن کو بەرھەما خوینا شەھیدان و خەباتا ب سالانە، دئێخە مەترسیێ. و پارتیا مە داخوازێ ژ خۆپێشاندەران دکەت ئارام و ل سەرخوە بن، ب ھشیاری تەڤبگەرن، داکو رەوش ئالۆزتر نەبە و دەستکەڤتێن نەتەوی نەکەڤن بن مەترسیێ.
ئەو یەک ژی هاتیە، پارتیا سۆسیالیستا کوردستان ، داخواز ژ ھێزێن ئاسایشا ھەرێما کوردستانێ دکە، کو ل سەر ھالویستا خۆیا نەرم و ئارام بەخش بەردەوام بن. ئەم ژ ھەمو ھێزێن سیاسییێن کوردستانا باشور داخواز دکەین، ژبۆنا چارەسەر کرنا پرسێن ناڤخوەیی و پاراستنا دەستکەڤتێن نەتەوی دەستێ خوە بدنە ھەڤدو و نەھێلن خێرنەخوازێن کوردستانێ دەستێ خوە درێژی کار و بارێن وان بکەن.
تُتاح هذه الصورة أيضا في: کوردی