دووکێلا جگارێ نەھێتە ھەلکێشان ژی کارتێکرنێ ل سیھان دکەت
نوش نيوز:
تايبهتمهندهكێ نشتهرگهريێن گشتى ئاشكهرا كر كو پشتی تەمامبوونا جگاره کێشانێ بەرمایێن دووکێلێ دمینن ب لێڤ و ئەزمانی ڤە، دەمێ مرۆڤ ھەناسا ئاسایی ھەلدکێشیت ئەڤ بەرمایێن جگارە کێشانێ دێ چنە ناڤ بۆڕیێن ھەوای و د دووڤ دا دێ گەھنە سیھێن وی کەسی.
د. عەدنان ئاکرەیی تایبەتمەندێ نشتەرگەریێن گشتی ددەتە دیارکرن کو ئێک ژ وان ئاخفتنێن زۆر مرۆڤی گوھلێ دبیت ژ لایێ جگارکێشان ڤە ئەوە کو ئەو دووکێلا جگارێ نەھەلکێشن یان ژی ناھێلن ئەڤ دوكێله بگەھیتە سیپەلا (سیھا) كو کارتێکرنێ ل سەر سیستەمێ ھەناسەدانێ ناکەت و مەترسیا نەخۆشیێن سینگی و پەنجەشێرێ دوور دئێخیت.
د. عهدنان گۆت: “یا راست ئەوە کو ھەکە خۆ دووکێل نەھێتە ھەلکێشان ژی کارتێکرنا خۆ ھەر ل سەر سیھان دکەت، چونکو پشتی تەمامبوونا جگاره کێشانێ بەرمایێن دووکێلێ دمینن ب لێڤ و ئەزمانی ڤە، دەمێ مرۆڤ ھەناسا ئاسایی ھەلدکێشیت ئەڤ بەرمایێن جگارە کێشانێ دێ چنە ناڤ بۆڕیێن ھەوای و د دووڤ دا دێ گەھنە سیھێن وی کەسی، ژ ئالیەکێ دن ڤە ئەڤ بەرمایە دھێنە مێژتن ل دەڤ و ئەزمانا بۆ ناڤ خوینێ و مەترسیا خۆ بنەجهـ دکەن و دگەھنە ئەندامێن لاشی، لەوڕا جگارەکێشان نەک کارتێکرنێ ب تنێ ل سەر جگارە کێشی دکەت، بەلکو ل کەسێن دەردورا وی ژی دکەت”.
ئاشكهرا ژى كر كو نھا زاراڤەک پەیدابوویە ب ناڤێ جگارکێشێ نێگەتیف یان یێ نەچار کو ئەو کەسن ل دەورو بەرێ جگارکێشی دژین و دووکێلا وان مەترسیەکا زێدە دکەتە سەر ژیانا وان مرۆڤێن بێ گونەهـ، ژ بەر ھندێ دووکێلا جگارێ کارتێکرنێ دکەتە سەر سیھان، ئەڤجا ههكه بھێتە ھەلکێشان یان نە، دێ کارتێکرنێ ل وان کەسان ھێتەکرن کو نزیک جگارکێشی نە.
تُتاح هذه الصورة أيضا في: کوردی