بنگەهێ لالش سەرەخۆشیێ ل مالباتا دكتۆر حەجی دكت
ب دلەكی پر خەم و ژان ئیرۆ مە خەبەرێ وەغەركرنا دكتۆر حەجی موسی هاریكارێ سەرۆكێ زانكۆیا دهۆك بهیست كو ب ئەگەرێ ئێشەكا نەچاڤەرێكری چۆ بەردلۆڤانیا خودایێ مەزن بڤێ هەلكەفتا دلتەزین سەرەخۆشیێ ل مالباتا خودێ ژێ رازی و هەموو دۆست و هەڤالێن وی دكەین.
ل دەمەكی كو پرانیا قوتابیێن ئێزدی ب گەفا تیرۆرێ نكارین خووندنا خۆ ل زانكۆ و پەیمانگەهێن مووسل تەمام بكن مە ل بنگەهێ لالش لژنەكا تایبەت بۆ ڤەگوهاستنا قوتابیێن ئێزدی دامەزراند ب پشتەڤانیا حكوومەتا هەرێما كوردستانێ هەر هنگی خودێ ژێ رازی دكتۆر حەجی هەموو پشتەڤانیا خۆ بنگەهێ لالش دیاركر و هەماهەنگیەكا مەزن دناڤبەرا بنگەهێ لالش و دكتۆر حەجی ب پشتەڤانیا سەرۆكاتیا زانكۆیا دهۆك هەبوو كەواتا بەری وەرگرتنا پۆستێ هاریكارێ سەرۆكێ زانكۆیێ ژی دكتۆر حەجی بەردەوام بوویە بۆ هاریكاریا بنگەهێ لالش بۆ هندێ قوتابیێن ئێزدی ژ خووندنا خۆ بێ بەهر نەبن.
ژ دەستدانا ڤی كەسایەتیێ ئەكاندیمی و خودان شیان كو رۆلەكی كارا هەبوو دپێشخستنا زانكۆیا دهۆكێ دا خوسارەتەكا مەزن بوو بۆ مە هەمووان خودێ مەزن سەبر و هەدارێَ بدەتە مالبات و سەرۆكاتیا زانكۆیا دهۆك و و كەس و كار و هەموو هەڤال و دۆستێن وی و گیانێ رەحمەتی ژی ب بەهشتا خۆ شاد بكت.
ئەو ل رێ
ئەم ل پێ
ئەم هەموو دێ زڤرین بۆ خودێ
شێخ شامۆ
سەرۆكێ دەستەیا بلندا بنگەهێ لالش یێ رەوشەنبیری و كۆمەلایەتی/دهۆك
14/4/2018
تُتاح هذه الصورة أيضا في: کوردی