كۆمەكا هۆنەری تراژیدیا شنگالێ نمایش دكت
تۆرا لالش یا راگەهاندنێ
پبَخەمەت پتر پێشڤەبرنا هۆنەرێ دەڤەرا شنگالێ ل سالا(2015)ێ كۆما دەنگێ شنگال یا هۆنەری هاتە دامەزراندن،كو هەتا نهۆ چەندین شانۆگەری و ستران و هەلبەست چێكرینە و چیرۆك و تراژیدیا شنگالێ كرینە شانۆگەری و نمایش دكت.
بەرپرسێ كۆما دەنگێ شنگال یا هۆنەری(هەڤال سەبووری)دكورتە دیدارەكێ دا بۆ رۆژناما دەنگێ لالش راگەهاند،ل دەمەكی كورت مە كاری بوو ئەم پتر ژ(20)شانۆگەریان و (4)سترانان چێكن و هەلبەستەكێ كلیپ بكن،لێ پشتی كارەساتا شنگالێ و ئەڤ نەخۆشیێن بسەر دەڤەرا مە دا هاتین مە كاری بوو ئەم پتر و بهێزتر دەست بكارێ خۆ بكن و ب تایبەتی ژی ئەوان چیرۆك و تراژیدیا شنگالێ بكن شانۆگەری و لسەر دەپێ شانۆیێ نمایش بكن،ئەو شانۆگەریێن تراژیدی یێن مە نڤیسین ب كارەستا شنگالێ ڤە ژ ئەوان ژی شانۆگەریا (شەڤا مرنێ،مخگوفات فی قبچە داعش ،توحد بیت الائیزیدی ،حاكم و ئازادی، الوفاو،تحدی الچروف،العلم نور)،كو هندەك ژ ڤان شانۆگەریان ب هەڤكاری دگەل تیپا گرعزێر یا هۆنەرێ شانۆیێ و كۆما نەژبیر ڤۆرێڤەر هاتنە نمایشكرن.
ئەو چەندە ژی دیاركر،كۆما مە ژ هەشت ئەندامان ژ هەردوو رەگەزان پێك دئێت و داخوازا مە ژ هەموو جیێن بەرپرس ئەوە پتر ل هۆنەرێ دەڤەرا شنگالێ خوەدی دەركەڤن،ژبەر ل ڤان قۆناغێن داویێ دا چ پێگری ب هۆنەر و هۆنەرمەندێن دەڤەرا شنگالێ نەهاتیە كرن و هۆنەرێ شنگالێ وەكو نەخۆشەكێ دبەر حالێ مرنێ ڤە لێ هاتیە.
تُتاح هذه الصورة أيضا في: کوردی