سەرۆک بارزانی پەیامهك ئاراستەی سەرۆکێ فەلەستینێ کر
باسنيوز:
بەهۆی تێکچوونی باری تەندروستیی سەرۆکی فەلەستین، سەرۆک بارزانی پەیامێکی ئاراستە کرد.
هێمن هەورامی، بەرپرسی کاروباری سیاسی و پەیوەندییە گشتییەکانی مەکتەبی سەرۆک بارزانی، لە پێگەی تایبەتیی خۆی، لە تۆڕی کۆمەڵایەتیی (فەیسبووک)، بڵاوی کردووەتەوە، کە پاش ئەوەی لە چەند رۆژی رابردوودا تەندروستیی مەحمود عەباس، سەرۆکی فەلەستین ناجێگیر بوو و نەشتەرگەری بۆ کرابوو، لەسەر فەرمانی جەنابی سەرۆک بارزانی، پاشنیوەرۆی 22\5\2018، سەردانی کونسوڵی گشتیی فەلەستینیان لە هەولێر کرد.
بەرپرسەکەی کاروباری سیاسی و پەیوەندییە گشتییەکانی مەکتەبی سەرۆک بارزانی، ئەوەشی خستووەتەڕوو، کە پەیامی پەرۆشی سەرۆک بارزانی و لە نزیکەوە ئاگاداربوون لە رەوشی تەندروستیی مەحمود عەباسیان گەیاند، نووسیویەتیش: ”ئومێدمان خواست خوای گەورە شیفای خێری بدات“.
ئاشکراشی کردووە، کە کونسوڵی فەلەستین ویرای سوپاس و پێزانین بۆ پەرۆشی و پەیامی سەرۆک بارزانی، دووپاتیکردەوە کە گەل و حکوومەتی فەلەستین هەمیشە سەرۆک بارزانی بە رابەر و رەمزی دۆزی رەوای گەلی کوردستان دەزانن.
تُتاح هذه الصورة أيضا في: کوردی