ئهڤرۆ دێ ژڤانێ تۆماركرنا ههڤپهیمانییان بۆ ههلبژارتنێن كوردستانێ ب دوماهی هێت
WAAR-دهۆك:
بریاره ئهڤرۆ ئێڤاری، دهما تۆماركرنا ههڤپهیمانییان بۆ ههلبژارتنێن پهڕلهمانێ كوردستانێ ب دوماهی بهێت و تا نها دو ههڤپهیمانی هاتینه تۆماركرن.
پێشتر كۆمسیۆنا ههلبژارتن و راپرسیێن ههرێمێ راگههاندبوو؛ ئهڤرۆ رۆژا چارشهمبی ل دهمژمێر سێیێ ئێڤاری، دوماهی ژڤانێ تۆماركرنا ههڤپهیمانییانه بۆ ههلبژارتنێن پهڕلهمانێ كوردستانێ كو بهرییا نها دو جاران دهمێ وێ هاتییه درێژكرن.
د چهند رۆژێن بووری دا، دو ههڤپهیمانی ژ ئالیێ پارتا سوسیالیستا دیموكراتا كوردستانێ و پارتا كرێكار و رهنجدهران و پارتا ئێكهتییا نهتهوهیی یا دیموكرات، ب ناڤێ لیستا سهردهم هاتییه تۆماركرن و یهكگرتوو و تهڤگهرا ئیسلامی، ههڤپهیمانییا بهرهڤ چاكسازیێ تۆمار كرییه.
بهرى نوكه كۆمسیۆنێ خوهتۆماركرنا قهوارهیێن سیاسی راگههاندبوو و د دهمێ دههـ رۆژان دا، سیهـ و ههشت قهوارهیان ناڤێن خوه بۆ ههلبژارتنێن پهرلهمانێ كوردستانێ تۆماركربوون.
تُتاح هذه الصورة أيضا في: کوردی