زەلامەک 107 ژنان دئینیت
ئهڤرۆ نيوز:
کەسەکێ نێجیری ب ناڤێ (محەمەد ئەبو بەکر)، دژیێ 92 سالیێ دایە، 107 ژن ئیناینە، 97 ژ وانا نوکە لنک ماینە و 10 ژی بەرداینە.
محەمەد دبێژیت: ئەڤ زێدە ژن ئینانا وی نامەکە ژ نک خودێ بۆ ھاتیە، ل سالا 2008 ئەڤ کەسە ب ناڤ و دەنگ کەت، دەمێ بەڵگێن وی ھاتینە ئاشکرا کرن کو وی 86 ژن ھەنە و نێزیکی 150 زارۆیان. ھندەک زارۆیێن وی لنک وی دژین ل مەقەرێ (بیدا) ل ویلایەتا نێجیری و ھندەک ژی ھەر د خانیێ وی ڤەنە ل پایتەختێ لاغوس.
ئایین زان محەمەدی گونەھبار دکەن کو ئەو بنیاتێن ئایینێ ئیسلامێ پێشێل دکەت، کو نابیت ئەو ژ چوار ژنان زێدەتر بینیت و وەکھەڤیێ بێخیتە دناڤبەرا واندا، لەوما دڤێت ئەو 82 ژنان بەردەت ھەکە دێ کەڤیتە بەر ئاستەنگان.
محەمەدی داخوازیا وان رەتکر و گۆت: ئایینێ ئیسلامێ چو سزا بۆ وی زەلامی نەداناینە یێ پتر ژ چوار ژنان دئینیت و ھەر زەلامەک یێ ئازادە چەند ژنان بینیت.
ژ بەر ڤێ چەندێ محەمەد ھاتە دەستەسەرکرن ل دووڤ داخوازیا دادگەھا شەرعی یا وان، لێ پشتی ھینگێ ھاتە ئازاد کرن، ب مەرجەکێ ب تنێ چوار ژنان بھێلیتە لنک خوە.
سەرەرای گەفکرنا دادگەھێ بۆ محەمەد ئەبو بەکری چو پووتە پێ نەدا و رابوو زێدە کرن، کرنە 107 ژن 10 ژ وانا بەردان مانە 97 ھەڤژین، دیارکر ژی کو ھندی بشێت دێ زێدە کەت مادەم ئەڤە نامەکا ژ نک خودێ دڤێت بجە بینم.
تشتێ سەیر و خەلک حێبەتی کری نە محەمەد و نە ھەڤژینێن وی چو کاران دکەن نزا چەوا ھەموویان خودان دکەت، محەمەدی د دیدارەکا خوەدا بۆ کەنالێ (BBC) دیارکر کو ئەو زارۆیێن خوە فرێ دکەتە خوازخوازوکیێ، بەلێ ھەر بوھایێ سێ کیسێن برنجی یێن رۆژانە دخۆن نائینە مال، بەلێ ھەموو تشت ژ نک خودێ دھێت.
ل ڤێ دووماھیێ گوتگوتکەک ل سەر محەمەدی بەلاڤ بۆ کو یێ مری، بەلێ د بەرسڤێ دا گۆت: ئەڤە ھەموو گوتگوتکن و خەلک حەسیدیێ بمن دبەن چونکۆ خودێ ئەز باشتر یێ دایم ژ وان.
تُتاح هذه الصورة أيضا في: کوردی