پەرتۆكا “رۆژا رەش” هاتە بەلاڤكرن
تۆرا لالش یا راگەهاندنێ
پەرتۆكا(ڕۆژا رەش)لسەر هێرشا رێكخستیا دەولەتا ئیسلامی (داعش) ل(3/8/2014)ێ بۆ سەر ئێزدیێن شنگالێ ب زمانێ ئەرەبی هاتە بەلاڤكرن،ناڤەرۆكا وێ ژمارەكا بابەت و دكیۆمێنت و ڤەكۆلینان دەربارەی ستەم و زۆرداریا تیرۆرستێن داعش ل دژی ئێزدیان ئەنجام دای بخۆ ڤە دگرت.
نڤیسەرێ پەرتۆكێ(نادر دۆغاتی)بۆ رۆژناما دەنگێ لالش دیاركر،دپەرتۆكا( ڕۆژا رەش دا) من دیاركریە كا داعش چینە وكینە و كێ پەیداكر و بهێزكرن و جارەكا دی لاوازكر وژناڤبر،دیسان وەك زنجیرەكێ خەلەكە ب خەلەكە تراژیدیا چیایێ شنگالێ ل ڕۆژا رەش دكیۆمێنت وتۆماركریە،پرانیا ڤان دكیۆمێنتا ژ سەر زمانێ وان كەس وقوربانیێن ژ دەستێ تیرۆرستێن داعش قورتال بووین یە و ب تایبەت قوربانیێن كۆچۆ و قنێ،زێدەباری وێ چەندێ ژمارەكا بابەت و دكیۆمێنت و ڤەكۆلینان دەربارەی ستەم و زۆرداریا تیرۆرستێن داعش ل دژی ئێزدیان ل شنگالێ ئەو كارێن چەپەل كو ووژدانا مرۆڤایەتیێ هەژاند دپەرتۆكێ دا هاتینە بەلاڤكرن،نهۆ ژی مژوولی وەرگێرانا پەرتۆكێ مە ژ زمانێ ئەرەبی بۆ زمانێ كوردی.
دۆغاتی ئاماژەكر، هەر دپەرتۆكێ دا بەحسی رۆژا تیرۆرستێن داعشێ باژێرێ مووسل داگیركری و هێرشا داعش لسەر كوردستانێ و ب تایبەت ل شنگالێ و دەشتا مووسلێ ل بەنداڤا مووسل و تلكێف وتللسقۆف وباشیك وبەحزانێ،شەرێ رزگاركرنا شنگالێ ومووسل و ژناڤبرنا ئەفسانەیا داعش ب دەستێ پێشمەرگێن دێرین لسەر سنوورێ كوردستانێ هاتیە كرن.
تُتاح هذه الصورة أيضا في: کوردی