سوبەهی دێ ده‌نگدانا تایبه‌ت هێته ئەنجامدان
ئەڤرۆ نیوز:
وەسا بریاره کو سوبه‌هی ئەینیێ 28.9.2018 و ل دەمژمێر هه‌شتی سپێدێ، پرۆسا ده‌نگدانا تایبه‌ت بۆ هه‌لبژارتنێن په‌رله‌مانێ كوردستانێ بهێنە کرن، كو زێدەتر 170 هزار كه‌سان مافێ ده‌نگدانا تایبەت هه‌یه.
شێروان زرار په‌یڤدارێ كۆمسیۆنا بلند یا هه‌لبژارتن و راپرسیێ ل هه‌رێمێ گۆتیە: سوبەهی ل دەمژمێر هه‌شتی سپێدێ، دێ پرۆسا ده‌نگدانا تایبه‌ت ل هه‌ر چار پارێزگه‌هێن هه‌رێمێ هێته کرن و كۆمسیۆنێ ئاماده‌كاریێن خوه ته‌مام كرینه و 99 بنگه‌هـ و 471 وێستگه‌هێن ده‌نگدانێ هاتینە به‌رهه‌ڤ كرن.
ناڤهاتی گۆت ژی: 170 هزار و 468 كه‌سان، ژ پێشمه‌رگه‌ی، پۆلیسان، هێزێن ناڤخوه دێ ده‌نگدانا تایبەت کەن و ئەڤ دەنگدانە دێ هەتا دەمژمێر شه‌شی ئێڤاری یا به‌رده‌وامبیت.
تُتاح هذه الصورة أيضا في: کوردی