وەزارەتا كارەبێ دەمژمێرێن دانا كا
رەبێ دهەیڤا رەمەزانێ دا ئاشكەرا دكت
ئەڤرۆ نیوز:
پەیڤدارێ وەزارەتا كارەبا حكوومەتا هەرێما كوردستانێ دیاركر كو د هەیڤا شەش دا، ئانكو د هەیڤا رەمەزانێ دا، هەر وەكو هەیڤا گۆلانێ كارەبا نشتیمانی 18 دەمژمێران د شەڤ و رۆژەكێ دا بۆ وەلاتیان دێ ئێتە دان.
محەمەد ئەمین هەورامی، پەیڤدارێ وەزارەتا كارەبا حكوومەتا هەرێما كوردستانێ خویاكر، د هەیڤا گۆلانێ دا ئەو شیاینە 18 دەمژمێران كارەبا نشتیمانی بدەنە وەلاتیان و گۆت:”د ڤێ هەیڤێ دا هەر هەمان بەرنامە مە هەیە و هەر وێ رێژا كارەبێ دێ دەینە وەلاتیان”.
ناڤبری ئاشكرا ژی كر، ژ ئەگەرێ بلندبوونا پلێن گەرمێ د ڤێ هەیڤێ دا، هەروەسا هاتنا هەیڤا رەمەزانا پیرۆز،داخوازیا وەلاتیان ل سەر بكارئینانا كارەبێ زێدە دبت و بۆ باسنیوز گۆت:”ژ بەر ڤان ئەگەران گوهۆرین د دانا كارەبێ دا دێ ئێتە كرن، لێ ب وی رەنگی نابت كو دەمژمێرێن دانا كارەبێ كێم ببن،چنكو وێستگەهێن كاروئاڤی ژی دێ دەینە كاری”.
پەیڤدارێ وەزارەتا كارەبێ ئاماژە ب وێ چەندێ ژی كر، ئەو دەمێ كارەبا نشتیمانی دئێتە برین، دڤێت خودانێن موەلیدان ل دووڤ وی بەرنامێ دگەل یەكێن كارگێری داناین كارەبێ بدەنە وەلاتیان.
تُتاح هذه الصورة أيضا في: کوردی