نوونەرێ ويلايهتێن ئێكگرتی ل عێراقێ:ل نێزیك پرۆژەیان دێ ل شنگال و باشیكێ ئەنجام دەین
تۆرا لالش یا راگەهاندنێ/ههولێر
نوونەرێ تایبەتێ ويلايهتێن ئێكگرتی یێن ئەمریكا بۆ پرۆگرامێن هاریكاریكرنا كێمینەیان ل عێراقێ راگەهاند،ل دەمەكی نێزیك چەند پرۆژەیان دێ ل شنگال و باشیكێ ئەنجام دەن.
روونشتنا دووێ یا دەزگەهێن راگەهاندنێ یێن كێمینەیان ب پشكداریا “عەزیز شەركانی”بەرپرسێ نڤیسینگەها لالش ل هەولێرێ و نوونەرێ تۆرا لالش یا راگەهاندنێ ،ئیرۆ پێنج شەمبوویێ 15ی تشرینا دووێ 2018،ێ ل هەولێرێ دگەل بەرێز”ماكس بریموراك” نوونەرێ تایبەتێ ویلایەتێن ئێكگرتی یێن ئەمریكا بۆ پرۆگرامێن هاریكاریكرنا كێمینەیان ل عێراقێ ب رێڤەچۆ.
دروونشتنێ دا گەنگەشە لسەر گرنگیا بەرقراربوونا ئەمنیەتێ ل دەڤەرێن كێمینەیان و ئەنجام دانا پرۆژەیان ب شێوەكی دادپەروەرانە وەلاتی مفای ژێ ببینن و پرۆژێن هاتینە دەست نیشانكرن ل وان دەڤەران ئەنجام بدەن هات كرن،بەرێز”ماكس بریموراك” تهكهزكر:” ل دەمەكی نێزیك چەند پرۆژەیان دێ ل شنگال و باشیكێ ئەنجام دەين”.
د تەوەرەكی دی دا بەحس ل گرنگیا رۆلێ راگەهاندنێ و رۆمالكرنا پرۆژەیێن هاتینە ئەنجام دان و یێن دێ ئەنجام دهن هات كرن،كو چاڤدێری بێتە كرن و خالێن ئەرێنی ونەرێنی بێنە دەست نیشانكرن داكو پرۆژە ب باشترین شێوە بێنە بجهئینان.
لگۆر بەیاننامەكا كونسلخانەیا ئەمریكا ل هەولێرێ كو دانەیەك بۆ تۆرا لالش یا راگەهاندنێ هنارتیە و تێدا هاتیە،نەتەوەیێن ئێكگرتی رادگەهینت زێدەتر ژ ١٧٨ ملیۆن دۆلاران ژ هاریكاریێن دەرڤە یێن ئەمریكا بۆ هاریكاریكرنا وان كۆمەلگەهێن لبەر مەترسیێ دانە ل عێراقێ هاتینە تەرخانكرن.
تُتاح هذه الصورة أيضا في: کوردی