نەتەوەیێن ئێكگرتی ھهزار و 250 خانیێن شنگال و سنوونێ نووژەنكرن
باسنيوز:
قائیمقامێ شنگالێ راگەهاند، سەرەرای رزگاركرنا شنگالێ، هێشتا زێدەتر ژ 16 هزار خانیێن وێ د وێرانكری و خرابكری نە و كەسێ خوە ل ئاڤەدانیا شنگال نەكریە خودان و حكوومەتا عیراقێ ژی ب تنێ موزایەداتان ل سەر دكەت و خوە لێ ناكەتە خودان.
مەحما خەلیل، قائیمقامێ قەزا شنگالێ راگەهاند، ل گۆرەی بەرنامێ نەتەوەیێن ئێكگرتی بۆ ئاڤەدانكرنا شنگالێ، د قۆناغا ئێكێ یا وی بەرنامەی دا بۆ ئاڤەدانكرنا شنگال كو ل ناحیا سنوونێ و سەنتەرێ قەزا شنگالێ دەستپێكری، نێزیكی 750 خانیان هاتینە نووژەنكرن و هەر خانیەكێ هاتیە نووژەنكرن ژی نێزیكی سێ هزار دۆلاران لێ مەزاختینە و ل سەنتەرێ شنگالێ ژی نێزیكی 500 خانیان هاتینە نووژەنكرن.
مەحما ئاشكرا ژی كر كو هژمارا هەموو خانیێن دێ هێنە نووژەنكرن نێزیكی 1250 خانیانە، ئەڤە هەموو ئەو خانینە یێن ب تنێ پیچەك خراب بووین و پێدڤی ب نووژەنكرنێ، بەلێ ئەو خانیێن ب تمامی ل شنگال هاتینە خرابكرن و وێرانكرن 16 هزار خانی نە، بەلێ نە عیراقێ و نەژی نەتەوەیێن ئێكگرتی هەتا نها خوە ل ڤان خانیان نەكرینە خودان.
خویاژی كر، ئەڤ خانیێن هاتینە نووژەنكرن نێزیكی سێ ملیۆن دۆلاران لێ مەزاختینە، لێ ئەڤ نووژەنكرنا خانیان نابیتە پالدەرەك، ئاوارەیێن شنگالێ ژ خیڤەتان دەربكەڤن و ب ڤەگەرنە سەر مال و مولكێن خوە.
تُتاح هذه الصورة أيضا في: کوردی