ئێكه‌تیێ داخوازا هه‌ڤپه‌یمانیه‌كا نوو ژ پارتی كر
WAAR-دهۆك:
ئێکەتییا نشتیمانی یا کوردستانێ داخوازا رێککەفتنەکا نوو یا سیاسی ژ پارتی كرییه و داخوازكرییه، پارتی و ئێکەتی هه‌ڤپه‌یمانییه‌كێ ل په‌ڕله‌مانێ كوردستانێ و ئیراقێ پێکبینن.
ل گۆره‌ی زانیاریێن وار، داوی كۆمبوونا شاندێن دانوستاندكار یێن پارتی و ئێکەتیێ گه‌له‌ك باشبوویه، لێ خالا کێشە ل سەر ھەی، پۆستێن بەغدا بوون کو ئێكه‌تیێ دخواست وه‌زاره‌تێن مایی یێن به‌هرا كوردان وه‌ربگریت، لێ پارتی رازی نەبوو دەستبەرداری چ پۆستێن به‌غدا ببیت.
هه‌روه‌سا د كۆمبوونێ دا، ئێکەتیێ داخوازا دروستکرنا هه‌ڤپه‌یمانییه‌كێ ل گەل پارتیی کریە، داكو فراكسیۆنێن هه‌ردو ئالییان ل ناڤا په‌رله‌مانی هه‌ڤبگرن.
هه‌روه‌سا ئێکەتی ژبۆ کۆمبوونا بھێت یا ل گەل پارتی دێ پاكێچه‌كێ بەرھەڤ کەت، داکو ئەو پاكێچه ببیتە رێککەفتنەکا سیاسی دناڤبەرا هه‌ردو ئالییان دا، بۆ ناڤخوەیا کوردستانێ و بەغدا و پرسێن ئابۆری و ئێکخستنا پێشمەرگەی و پەیوەندیێن نێڤدەولەتی.
زانیاریێن وار ئاماژێ دده‌ن، كو قوباد تالەبانی ب مەکتەبا سیاسییا ئێکەتیێ راگەھاندییە، ئەو ناچیت پەرلەمانێ کوردستانێ و دخوازیت پۆستێ جێگرێ سەرۆکێ حکومەتێ وەربگریت.
تُتاح هذه الصورة أيضا في: کوردی