بنگههێ لالش پێشوازيێ ل بريارا پهرلهمانێ كوردستانێ بۆ ناساندنا جينۆسايدا ئێزديان دكت
تۆرا لالش يا راگههاندنێ/دهۆك
ب دلهكى پر مهزن ڤه پێشوازيێ ل بريارا پهرلهمانێ ههرێما كوردستانێ دكهين ئهوا زۆربهيا پهرلهمانتارێن پهرلهمانێ ههرێمێ دهنگدايى كو رۆژا 3/8سالانه وهكو رۆژا كۆمكوژيا ئێزديان بێته ناساندن.
ئهم دبينن ئهڤه دهستپێك و پێنگاڤهكا گرنگ و ديرۆكى يه بۆ قهرهبووكرنا خهلكێ مه يێ زيان ڤێكهفتى،سهربارى وێ كۆمكوژيا بسهرێ مه دا هاتى كو قهرهبوويا ههمووان نائێته كرن ژبهر كرێتى و درندهيا وێ كۆمكوژيێ و هۆڤاتيا چهكدارێن رێكخراوا تيرۆرى و تيرۆرستێن جيران و دهردۆرێن لگهل دا.
بێشك چاڤێ زۆربهيا كوردێن ئێزدى بهرهف ههرێما كوردستانێ وهلاتێ دايك بوو،ژبۆ ڤێ پێنگاڤا چاڤهرێكرى و هيڤيخوازن پێنگاڤێن ديتر ب ههمان شێوه ههبن،و داخوازێ ل جيێن تايبهتمهند ل ههرێمێ دكهين تۆرهكا پهيوهنديێن ههرێمى و نێڤ دهولهتى يێن بهرفرههـ گرێدهن ژبۆ بدهستڤهئينانا بريارهكا نێڤ دهولهتى كو ئهوا بسهرێ ئێزديان هاتى وهك كۆمكوژيا بكۆمه،چنكو تهڤ بهلگه دووپات ل وێ چهندێ دكن كو ئهوا چێبوويى ژههموو ئاليان ڤه جينۆسايده.
تهكهز دكهين كو بهرێز شێخ شامۆ ئهندامێ بهرێ يێ پهرلهمانێ كوردستانێ و سهرۆكێ دهستهيا بلندا بنگههێ لالش يێ رهوشهنبيرى و كۆمهلايهتى،پێشتر و ب پشتهڤنيا بێ سنوور يا فراكسيۆنا زهر يا پارتى ديموكراتى كوردستان كهيسا كۆمكوژيا بكۆم سێ جاران پێشكێشى خۆلا بهرێ يا سهرۆكاتيا پهرلهمانێ ههرێما كوردستانێ كر،كو كهيس ژ ههزاران بهلگا پێكهاتى بوو كو ئهوا بسهرێ شنگال هاتى كۆمكوژيا بكۆم يا ئێزديايه،بهلێ جيێ داخێ يه ژبهر ئالۆزيێن سياسى دناڤبهينا فراكسيۆنان دا كهيس نههاته دهربازكرن.
دووباره ئهم پێشوازيێ ل دهرخستنا بريارا ژبال پهرلهمانێ ههرێما كوردستانێ دكهين،دووپات دكهين كو بجهئينانا ڤێ ياسايێ پێتڤى هندهك بريارێن ديتره،و ب تايبهت ل پرسا قهرهبوو و هژمارتنا قوربانيێن ئێزديان،زێدهبارى سزادان و دادگههكرنا ههر ئێكى دهست ل كريارێن دهست بسهرداگرتن و كوشتن و كهنيزه و گرتن و دهستدرێژيكرنێ ههى و پێشلكاريێن ديتر دژى خهلكێ مه يێ بێ گونههـ ل شنگالا بريندار.
سلاڤ بۆ جانگۆريێن ئێزديان
سلاڤ بۆ گيانێ پێشمهرگێن قههرهمان يێن شنگال و دهڤهرێن كوردستانێ ژ دهست داعشێ رزگاركرى
سهرشۆرى و شهرمهزارى بۆ رێكخراوا داعشا تيرۆرى
دهستهيا بلندا بنگههێ لالش يێ رهوشهنبيرى و كۆمهلايهتى/دهۆك
3/8/2019
تُتاح هذه الصورة أيضا في: کوردی