دەما تۆمارکرنا لیست و ئالیێن سیاسى هاتە درێژکرن

دەما تۆمارکرنا لیست و ئالیێن سیاسى هاتە درێژکرن

گاڤ نیوز –

کۆمیسیۆنا ھەڵبژارتنێن ئیراقێ ل پارێزگەها دهۆکێ درێژکرنا دەمێ تۆمارکرنا لیست و هەڤپەیمانیێن هەلبژارتنان ئاشکرا کر و پارتی ژی دبێژیت: بەربژارێن وان دئامادەنە.

ئەڤرۆ 17-4-2021 دوماهى ژڤانێ تۆمارکرنا ئالیێن سیاسى و دروستکرنا هەڤەیمانیان بوو، لێ کۆمسیۆنێ ئەو دەمە جارەکا دى درێژ کر.

خالد عەباس، بەرپرسێ نڤێسینگەها دهۆک یا کۆمسیۆنا هەلبژارتنان بۆ گاڤ نیوز گۆت: لیست و هەڤپەیمانى و بەربژار تا1-5-2021 دشێن خۆ تۆمار بکەن و دوپات کریە، تا نوکە ئێک پارتی بتنێ و دو بەربژاران خۆ تۆمار کریە.

خالد ئەحمەد دوسکی، بەرپرسێ نڤیسینگەها هەلبژارتنێن پارتی دیموکراتی کوردستان بۆ گاڤ راگەهاند؛ وەک پارتی ئامادەکاریێن تمام یێن پرۆسەیێ کرینە و ئەڤرۆ دا لیستا بەربژاران ژی دەنە کۆمسیۆنێ، لێ دەم هاتە درێژکرن.

دهێتە چاڤەڕێکرن ل هەیڤا 10 یا ئەڤ سالە هەلبژارتنێن جڤاتا نوینەرێن ئیراقێ بهێنە کرن، هندەک ژ میدیایێن ئیراقى بەحسا پاشخستنا هەلبژارتنان دکەن و ئەگەران ژى بۆ نەشارەزایا ستافێ نوى یێ کۆمسیۆنێ ڤەدگەڕینن، لێ تا نوکە چ داخویانیێن فەرمى نینن.

تُتاح هذه الصورة أيضا في: کوردی