سوپایێ سوریا ئاگربەست بۆ دەمێ ٧٢ دەمژمێران راگەهاند
ئێن ئارتى
سوپایێ سوریا ئەڤرۆبۆ دەمێ ٧٢ دەمژمێران ئاگربەست ل تەڤایا وەلاتی راگەهاند.
ئاژانسا نووچەیێن فەرمی یا سوریا بەلاڤکریە، ئەو ئاگربەست ژبەر هاتنا جەژنا رەمەزانێ یە کو ئەڤرۆ ٦ێ تەمووزا ٢٠١٦ێ دەستپێکریە و هەیا ٨ێ هەیڤێ بەردەوام دبیت.
هەڤدەم ئەڤە ئێکەمجارە سوپایێ سوریا ئاگربەستێ رادگەهینیت کو هەمی چەپەرێن شەرێ ڤەدگریت.
هەرچەندە د هەیڤا شوباتا ئیسال دا ب ئالیکاریا ئەمریکا و رووسیا ئاگربەستەک ل سوریا هاتبوو راگەهاندن، بەلێ چەند حەفتیان پشترا ئەو ئاگر بەست هاتە شکاندن و رژێما ئەسەد و ئۆپۆزسیۆنێ ل سەر شکاندنا وێ ئاگربەستێ هەڤدوو تۆمەتبارکرن.
ل پشتی دەستپێکرنا شەرێ ناڤخویێ سوریا ل سالا ٢٠١١ێ، هەیا نها زێدەتر ژ ٢٥٠ هزار کەسان ل وی وەلاتی هاتنە کوشتن و زێدەتر ژ ١٠ ملیۆن کەسان ژی ئاوارە بوونە.
تُتاح هذه الصورة أيضا في: کوردی