جڤاتا بلندا ریفراندۆمێ بریار ل سەر 3 خالان دا
WAAR-دهۆك:
جڤاتا بلندا ریفراندۆمێ ب سەرپەرشتییا سەرۆکێ ھەرێما کوردستانێ ئەڤرۆ ئێکەم کۆمبوونا خوە ل پیرمام سازکر و بریار ل سەر سێ خالان دا.
ب سەرپەرشتییا مەسعوود بارزانی سەرۆکێ ھەرێما کوردستانێ، ئەڤرۆ جڤاتا بلندا ریفراندۆمێ ب پشکدارییا نوونەرێن پارتێن سیاسی و پێکھاتەیێن نەتەوەیی و ئۆلی یێن ئەندام د جڤاتێ دا ئێکەم کۆمبوونا خوە سازکر.
ل گۆری راگەھاندنا جڤاتا بلندا ریفراندۆمێ، د کۆمبوونێ دا بریار ل سەر سێ خالان ھاتە دان، د خالا ئێکێ دا دوپاتی ل سەر پابەندبوونا پشکدارێن کۆمبوونا بریار و راسپاردەیێن حەفتی خزیرانێ یا گرێدایی دیارکرنا رۆژا بیست و پێنجی ئیلۆنا ئەڤ سالە هاتیەکر، بۆ برێڤەچوونا ریفراندۆمێ ل ھەرێما کوردستانێ و دەڤەرێن کوردستانی و چارەسەرکرنا کێشەیێن سیاسییێن ھەرێمێ و بزاڤێن زێدەتر بۆ خوشکرنا ژیانا خەلکی.
د خالا دووێ دا دیارکرییە، داکو پێنگاڤێن پراکتیکی بۆ ھەموو بوارێن ریفراندۆمێ بھێنە ھاڤێتن، ھەیکەلێ کارێ جڤاتا بلندا ریفراندۆمێ و کۆمیتەیێن فرعی ھات دیارکرن.
جڤاتا بلندا ریفراندۆمێ د خالا سییێ دا، حکومەتا ھەرێمێ راسپاردییە، دگەل کۆمسیۆنا ھەلبژارتنان ل کوردستانێ و ئالیێن پەیوەندیدار، پێدڤیێن برێڤەچوونا ریفراندۆمێ دابین بکەت.
تُتاح هذه الصورة أيضا في: کوردی