قەسر و وارێن كەڤنار هێدی هێدی ژناڤ دچن
ئلیاس نعمۆ خەتاری
شوونوارێن باب و كالا كەلەپۆر و فلكلۆرەكێ زەنگینە دناڤ هەموو مللەتان دا،مرۆڤ ب رەسانەیەتیا خۆ و كار و دەستكەفتیێن باب وباپیران دیاردبت ، داكو زارۆك ئانكو نفشێ پاشەرۆژێ بزانن كا چاوا ژیانا بەرێ ب رێڤە دچۆ،یا دووێ دڤیا شوونوارێن كەڤنار بێنە پاراستن ژ ژناڤچۆنێ.
سەرەرای ڤێ چەندێ مە فەر دیت رۆنكرنەكێ بدەینە سەر بابەتێ شوونواران و نامەیەكێ بگەهینینە جیێن شۆلەژێ وەكو رێڤەبەرێن شوونواران داكو بەرێ خۆ بدەنە ڤان شوونوار كلتۆر و كەلەپۆر و فلكلۆرێ گرێدای ئاخا مە بپارێزن و ژناڤ نەچن بمینن د درێژیا ژیانێ دا،قەسر و وارێن كەڤنار ئەوێن ب گێچ و بەران هاتینە ئاڤاكرن مینا ئاشێن ئاڤێ و دنگ و پر و قەنترە و خانی و ئاخور كو دگۆتنێ قەسر، وەكو دیار تا ئیرۆ رۆژ ئەو قەسر وار شوونوارێن وان دناڤ گوند و دەڤەران ماینە ژ ناڤ نەچۆینە و هندەك ژ هەژاری خێزان هێشتا دناڤ خانێن كەڤن دا دژین،ئەم دبینین هێدی هێدی هندەك ژ وان قەسر و خانیان ژناڤ دچن و ئەگەر وەسان بت خانیێن كەڤنار دێ كێم بن ب تەمامی دێ ژناڤ چن.
لەوما فەرە بێنە چاڤدێریكرن و وەكو مۆزەخانە تەماشە بێتەكرن و نڤیسەر د پەرتۆكان دا ئاماژەیان ب شێوەیەكی بەرفرەهـ پێ بدەن ،وەك دیار ل ناڤ هەموو گوندێن كەڤن ب دەهان جۆرێن ژڤان ئاڤاهیان یێن ماین،ئەگەر تەماشە بكەینە جوانی و شێوازێ ئەندازیاریا شوونواران و دێ گەهینە وێ باوەریێ ب شێوەیەكێَ ب زەحمەت و ب ئامیر و كەل و پەلێن وان سەردەمان هاتینە ئاڤاكرن و سەرەرای وێ زەحمەتیێ ژی كاركەرێن وی سەردەمی كاریە ئاڤاهیێن جوان دروست بكن.
تُتاح هذه الصورة أيضا في: کوردی