ل بیرەوەریا (105) سالیا فرمانا باسیان 14/5/1916
شكار سالح
دڤێ بیرەوەریا دلتەزین دا بەژنا خۆ دچەمینین ل پێش جانێ وان كەسوكارێن خۆ یێن بووین قوربانی و وان كەس و بنەمالێن ئێزدی یێن غیرەتا ئێزدیاتیێ كشاندی و هاریكاریا خەلكێ مەكری دوان رۆژێن رەش و قەوغە و فەریاد و فیغان و تەنگاڤ دە،لگۆر پێچێبوونێن خۆ هەكە ئەو نەبان دبوو پاشەرۆژا خەلكێ مە یێ باسیان تشتەكێ دن با ئەو ژی نەمابان لێ ب سایا خودێ و ب سایا سەرێ وان مەردەمێر و جوامێرا ئەو چەندێن ب سەرسۆرمان ژ فرمانێ رزگار بووین ل خۆ گرتن هەتا هێدی هێدی جارەكا دن تێكلی كاروانێ ژیانێ بوون و كەتنە قادا رەوانێ یا ئاسایی ئێكەم كەس و بنەمالا ل خەلكێ مەبووی دەلیل بنەمالا شێخ نعمۆ شێخ براهیم یێ هەوێری بوو دگەرمیا روودانا دا ل وان بوون دەلیل ئەگەر لێ نەبان دەلیل دبوو ئەو ژی ببان قوربانی،لێ ئەڤ بنەمال ب ئەركێ خۆ یێ ئێزدیاتی رابوون ئەو كەسێن رزگاربووی ئێدی دنیا و ژیان لبەر چاڤێ وان تال و رەش ببوو چ هیڤی نەمابوون جارەكا دن ڤەگەرن قادا ژیان و رەوانێ كەسوكارێن وان ب سەدان كوشتبوون یێن رزگاربووی ژی پشتی روودانێ جارەكا دن دوژمنی گرتبوون ب پەریشانی ژدەست دەركەتن ئەو سێ رۆژبوون دبێ خوارن ژبلی پەریشانی و دەردەسەریا ب سەرێ وان هاتی ئێدی شەنگ و هێز ژی نەمابوون.
سەرێ رێیا ل وان ونداببوو لێ وەك دبێژن:(خودێ دەلیلێ بێ دەلیلایە) ئەڤ بنەمال لێ بوو دەلیل و چەند رۆژەكا ل جەم خۆ هشتن هەتا ب سەرخۆڤە هاتن و رێبەریا وان كرن بەر ب مەرگەهێ ڤەهاتن،گەهشتن دەڤەرا قایدیا جەم میرزۆ بنەمالا ئاغایێ قایدیا جوامێرا ئەو ژی ب ئەركێ خۆ یێ ئێزدیاتیێ رابوون و ل خۆگرتن دناڤ خۆ دا خوەیی كرن وەك كەسوكارێن خۆ،هەتا رۆژا ئیرۆ ژی هەر لسەر وێ رێز و پشتەڤانیێ نە و باسیان ب خەلكێ خۆ دزانن، ئەگەر مەردی و جوامێریا وان نەبا و ل خەلكێ مە نە ببان خوەیی دبوو پاشەرۆژا خەلكێ مە خودێ دزانی وێ چاوابا،لێ وەك دبێژن:(هەكە قەنج ل دنیایێ نەمان دنیا وێ خراب بە)،هەروەسان مە ژ خەلكێ گوندێ (جەگانە) ژی گەلەك منەتە كو هندەك جەنازێن خەلكێ مە ب ئاڤێ دە هاتن ل كنارێ ئاڤا (دیجلە) ل نێزیك گوندێ (جەگانە) ل كنارێ ئاڤێ قەفیا بوون چار جنازە پێكڤە دگرێدایی بوون دەیك و سێ كچا كەزیێن خۆ ب هەڤڤە گرێدابوون و خۆ هاڤێتن ئاڤێدا نەكەڤن دەستێ دوژمنێ كافر و بێ خوەدێ جوامێرا خەلكێ گوندێ(جەگانە) بحەد و سەد ئەو جەنازە ڤەشارتن ل زەهمانێ گوندی و خێرا وان ژی دان خوەدێ خێرا وان قەبوولكە،نیشانێن دلسۆزی و ڤیانا ملەتیێ یە.
ئەڤ هەرسێ جهە بوون ل خەلكێ مە یێ باسیان بوونە مەفەر دوان رۆژێن تەنگاڤ و پەریشان دا هەتا هەبین چاكی و قەنجیا وان ژبیرا مەناچە،كەس ئەوە دتەنگاڤیادا بكارت قەنجیێ بكە هەموو كەس نكارە قەنجیێ بكە،دڤێت مرۆڤ یێ مرۆڤ كربە نە مرۆڤ فرۆش بە،هەروەسان سوپاسیا هەركەسی دكەین كو پەیڤەكا خێرێ ژی دەرهەقی خەلكێ مەدا گۆتی دوان رۆژێن رەش دا،لێ هندەك جهـ و كەس هەبوون وی چاخی خەلكێ مە یێ باسیان بووی سەروبەرێ تەنگاڤـ و شەپرزە خۆ هاڤێتنێ لێ نەمەردانە دەرخستن ب بێ هیڤی رووبروو ژوانرە گۆتن دەركەڤن ئەم چ هاریكاریا وە ناكن،ئەڤ چەندە ئەسل و بنیاتێ خوەیی خویادكە كانێ چ مەعدەنە ئەسلێ وی رۆژەكێ هاریكاریا تەنگاڤەكی نەكریە درۆژێن قەوغێن گران دا،قەنجی تووجارا وندا نابە،ئەڤ هەرسێ جیێن هاریكاریا خەلكێ مە كرین دوێ قەوغە و فرمانێ دە ب سایا سەرێ ڤان جوامێرا ئیرۆ ئەم هەینە قەنجی و هاریكاریا وان چ جارا ژبیرا مە ناچە هەتا ساغ بین،قەنجی ژ ئەسلێ خوەیی یە.
بلا كەس چ پالەوانێن ب دەرەوانێ نەكەتە دناڤ هاریكاریێن ڤێ فرمانێ دا وەك ل گۆڤارا لالش ژمارە (44) گۆتارەك بناڤێ فرمانا باسیان ب زمانێ عەرەبی بەلاڤ ببوو نڤیسەرێ ڤێ گۆتارێ گەلەك تشت گوهەری بوون و گەلەك شاشی دارێت بوون دبێ ئەسل و بنیات،دژمارێن بێن دا یێن گۆڤارا لالش ئەم وێ ب هووری بەرسڤا ڤێ گۆتارێ بدەن،چنكو تشتەك فهێت و عەیبە پێزانینا ژبۆ بەرژەوەندیا حەزا خۆ بگوهەری،ئەڤ بنەمالێن مە ناڤێ وان ئانی بتنێ ئەڤن یێن ل خەلكێ مە بوویی خوەیی و وسان كرین هەتا خەلكێ مە ڤەگەرنە ژیانا خۆ یا سروشتی.
ل داویێ ژڤان هەرسێ جه و بنەمالارا دبێژم هەر هەبن قەنجیا وە ژ ئەسلێ وە یێ قەنجە ،هەكە هوون نەبان دبوو پاشەرۆژا خەلكێ مە یێ باسیان تشتەك دن با.
تُتاح هذه الصورة أيضا في: کوردی