ئیراق وهلاتیێن خۆ یێن كۆچبهر ل بیلارۆسیا و لیتوانیا ڤهدگهرینیت
گاڤ نيوز:
وهزیرێ دهرڤهیێ لیتوانیا راگههاند “ئهڤرۆ فرۆكهیهكا ئیراقێ بهرهڤ بیلارۆسیا چوویه بۆ ڤهگهڕاندنا هژمارهكا پهنابهرێن ئیراقێ.
ل گۆرهى میدیایێن لیتوانیا د ئهڤساله دا پترى 4 هزار كۆچبهران كو پتریا وان خهلكێ ههرێما كوردستانێ و ئیراقێ نه ژ بیلارۆسیا گههشتینه لیتوانیا، ل دویڤ زانیاریێن گاڤ گهلهك وهلاتیێن پارێزگهها دهۆكێ ژى دناڤدانه.
وهزیرێ دهرڤهیێ لیتوانیا گابریلس لاندسبێرگس دا زانین ل گۆرهى هندهك زانیاریان، نێزیكى 300 وهلاتیێن ئیراقێ كو بهرهڤ بیلارۆسیا و لیتوانیا چوینه ب مهرهما گههشتنا وهلاتێن رۆژئاڤا ئهورۆپا، رازیبوونا خۆ نیشاندایه ڤهگهڕنه ئیراقێ.
دهستههلاتا فرۆكهڤانیا ئیراقێ ژى گهشتێن فرۆكهڤانى بۆ بیلارۆسیا راگرتینه كو هژمارهكا زێده یا وهلاتیێن ئیراقێ و ههرێما كوردستانێ ب رێكا فرۆكخانهیا بهغدا یا نێڤدهولهتى دچوونه بیلاۆسیا و ژ وێرێ ژى بۆ لیتوانیا، لێ پترییا وان نها د كهمپا دانه و رێك پێ ناهێته دان بهرهڤ ئهورۆپا ڤه بچن.
تُتاح هذه الصورة أيضا في: کوردی