مژوولی چێكرنا كلیپەكا فلكلۆری یە
تۆرا لالش:
هۆنەرمەند فەرهاد حەجی خەلەف یێ بەرنیاس ب فەرهاد باعەدری،نهۆ مژوولی چێكرنا كلیپەكا فلكلۆری یە بناڤێ (كەژا گولا سۆر) یا هۆنەرمەندێ مەزن و نەمر پیر مچۆ،كو ل دەمەكێ نێزیك دێ ئێتە بەلاڤكرن.
فەرهاد باعەدری بۆ رۆژناما دەنگێ لالش گۆت:ل سالا 2004ێ دەست ب كارێ هۆنەری كریە و ئێكەمین ئەلبووم بەلاڤكر، هەڤال و دۆستان دەستخۆشی ل وی كرن و حەژێكەرێن دەنگێ من پەیدابوون و ئەڤێ چەندێ ئەز گەلەك پالدام و ڤیانا وی زێدەتر لێهات بۆ هۆنەری،ل سالا 2012ێ ب شێوەیەكی فەرمی ستران گۆتن ل داوەت و ئاهەنگ و سەیران و هەلكەفتان،هەر ژ دەستپێكا كارێ خۆ یێ هۆنەری هەتا نۆكە سێ ئەلبوم یێن بەلاڤكرین و زۆربەیا تراكێن ئەلبومان ژ پەیڤ و ئاوازێن وی بخوە بووینە و هەردەم هەولددەم ب شێوەیەكی جیاواز ژ روویێ هۆنەری ڤە خزمەتا جڤاكێ خۆ بكەم،هەروەسا ستران و تراكێن ئەلبومێن وی لسەر ئەڤینی و شۆرەشگێری و دایك و ژیان و غەریبیێ نە،د نۆكە دا ب شێوازەكی هونەری یێ مودرن مژوولی چێكرنا سترانەكێ مە یا هۆنەرمەندێ مەزن پیر مچۆ لسەر ئەڤینیێ یە بناڤێ(كەژا گولا سۆر) و ل دەمەكێ نێزیك دێ كەمە دیاری بۆ حەژێكەرێن هۆنەرمەندێ خودێ ژێ رازی و دەنگێ خۆ و ئاشقێ فلكلۆرێ چیایێ شنگالێ.
دا زانین ژی فرمانا 2014ێ كارتێكرن ل تەڤایا هۆنەرمەندێن ئێزدی و مرۆڤایەتیێ كریە،لەورا هەردەم ل بن باندۆرا وێ داینە و نائێتە ژبیركرن.
تُتاح هذه الصورة أيضا في: کوردی
