کازمی: هێرشا ل سەر هەولێرێ سنۆرێن یاسایا نێڤدەولەتی بەزاندینە
گاڤ نیوز
سەرۆکوەزیرێ ئیراقێ ئەڤرۆ ل هەولێرێ ل گەل سەرۆک بارزانی، سەرۆک نێچیرڤان بارزانی و سەرۆکوەزیر مەسروور بارزانی کۆم بوو و راگەهاند: هێرشا ل سەر هەولێرێ سنۆرێ یاسا و عورفێن نێڤدەولەتی بەزاندینە.
نڤیسینگەها مستەفا کازمی، سەرۆکوەزیرێ ئیراقێ د بەیانەکێ دا راگەهاند: مستەفا کازمی ئەڤرۆ ب یاوەریا وەزیرێن ناڤخۆ و بەرگریێ یێن ئیراقێ ل هەولێرێ ل گەل سەرۆک مەسعوود بارزانی، و نێچیرڤان بارزانی سەرۆکێ هەرێما کوردستانێ و هەروەسا مەسروور بارزانی، سەرۆکێ حکومەتا هەرێما کوردستانێ کۆم بوو و بابەتێن گرێدایی رەوشا ئیراقێ ب گشتی و دوماهی هێرشێن ل سەر هەولێرێ ب تایبەت گۆتوبێژ کرن.
د بەیانا نڤیسینگەها کازمی دا هاتیە ژی: دوپاتی ل سەر رەتکرنا هەر هێرشەکێ هاتیە کرن کو ببیتە جهێ ترساندنا وەلاتیێن سڤیل، ژبەر کو داوی هێرش سنۆرێن یاسایی و عورفێن نێڤدەولەتی بەزاندینە و لژنەیەک ژ شیرەتکاریا ئاساییشا نشتیمانی و ژمارەکا سەرکردەیێن ئاساییشێ دێ هێتە پێکئینان و راپۆرتەکێ ل سەر ئەنجامێن هێرشان چێکەت.
تُتاح هذه الصورة أيضا في: کوردی