زانايێن ئهمريكى دهرمانهكێ نوى بۆ نهخۆشيا شهكرێ دبينن
گاڤ نيوز
دهرمانهكێ نوى بۆ چارهسهريا نهخۆشيا شهكرێ- جۆرێ دویێ رازيبوونا كارگێريا خوارن و دهرمانان يا ئهمريكى FDA وهرگرت.
مالپهرێ Healthline يێ ساخلهميێ راگههانديه؛ دهرمانهكێ نوى بۆ چارهسهريا نهخۆشيا شهكرێ- جۆرێ دویێ رهزامهنديا دهستههلاتێن ساخلهميێ يێن فيدرالى ل ئهمريكا وهرگرتيه.
ديار ژى كريه؛ دهرمانێ نوى ب ناڤێ تيرزێپتايد Tirzepatide حهفتيێ جارهكێ ب شرينقهيێ ب نهخۆشى دهێته دان و هاريكاريا نهخۆشان بۆ كونترۆلكرنا ئاستێن شهكرێ د خوينێ دا و كێمكرنا خوارنێ دكهت و بۆ كێمكرنا كێشهيا لهشى هاريكاره بێى ببيته ئهگهرێ كێمبوونا شهكرێ د خوينێ دا.
شارهزايێن پزيشكى دياركرينه؛ ئهنجامێن تاقيكرنان دياركرينه كو Tirzepatide ژ بۆ نهخۆشيا شهكرێ- جۆرێ دویێ چارهسهريهكا باشه.
راگههاندينه ژى؛ دهرمان هاريكاريا نهخۆشان بۆ كونترۆلكرنا ئاستێن گلوكۆزێ د خوينێ دا دكهت و ههستا تێربوونێ ل دهف وان پهيدا دكهت.
پشتى ب دويماهيك هاتنا رێكارێن دويماهيێ چاڤهرێ دهێته كرن دهرمان بهردهست ببيت.
تُتاح هذه الصورة أيضا في: کوردی