كورده‌كى خه‌لاتێ دروستكرنا بله‌زترين پيتزا ل ئه‌مريكا وه‌رگرت
گاڤ نيوز
گه‌نجه‌كێ هه‌رێما كوردستانێ كو په‌نابه‌ره ل بريتانيا و ل خوارنگه‌هه‌كا ناڤدار يا پيتزايێ كار دكه‌ت شيايه د به‌ريكانه‌يه‌كێ دا ناسناڤێ دروستكرنا بله‌زترين پيتزا ل ئه‌مریكا بده‌ستڤه‌بينيت.
ئاژانسێن جيهانى ڤه‌گوهاستينه؛ زاگرۆس جاف يێ 33 سالى كو ل خوارنگه‌هه‌كا دومينۆس يا ناڤدار كار دكه‌ت، شيايه سێ پيتزايان د ماوه‌يێ 70 چركه‌يان دا دروستبكه‌ت، ئه‌ڤ چه‌نده د به‌ريكانه‌يه‌كێ دا ل ئۆتێلا The Venetian ل لاس ڤێگاس ل ئه‌مريكا ژ بۆ بله‌زترين دروستكه‌رێ پيتزايێ ل جيهانێ بوو.
راپۆرتان ديار ژى كرينه؛ ئاماده‌بوويى و لژنه‌يا دادڤانيێ ژ له‌زاتيا دروستكرنا وى بۆ پيتزايێ سه‌رسۆرمان بوون كو د ئه‌نجام دا خه‌لاتێ ئێكێ ل سه‌ر ئاستێ ژماره‌يه‌كا پشكداران ژ سه‌رانسه‌رى وه‌لاتێن جيهانێ بده‌ستڤه‌ئينابوو و خه‌لاتێ دراڤى يێ 3000 دولاران وه‌رگرت.
ناڤهاتى كو بۆ ماوه‌يێ 15 سالايه ل خوارنگه‌هان كار دكه‌ت ل دۆر ڤى خه‌لاتى دبێژيت “هه‌سته‌كێ خۆش ل ده‌ف من په‌يدابوويه، ڤێ به‌ريكانه‌يێ بۆ من رامانه‌كا مه‌زن هه‌يه”.
ل گۆره‌ى راپۆرتان؛ زاگرۆس جاف دشێت 150 پيتزايان د ماوه‌يێ ده‌مژمێره‌كێ دا دروست بكه‌ت و پلانان ددانيت كو بۆ دو سالێن بهێت پاراستنێ ل سه‌ر ناسناڤێ خۆ بكه‌ت.
تُتاح هذه الصورة أيضا في: کوردی
