سەرۆک نێچیرڤان بارزانی: دخوازین دەرچوویێن زانکۆیان چارەیان بۆ کێشەیان ببینن
گاڤ نیوز
سەرۆکێ هەرێما کوردستانێ د مەراسیمێن گەڕا چارێ یا دەرچوونا قوتابیێن زانکۆیا ئەمریکی یا کوردستانێ دا گۆتارەک پێشکێش کر و تێدا داخوازا سەرکەفتنێ بۆ دەرچوویان خواست.
نێچیرڤان بارزانی، سەرۆکێ هەرێما کوردستانێ د گۆتارەکێ دا ل زانکۆیا ئەمریکی یا کوردستانێ راگەهاند: ئەو دێ ل سەر پشتەڤانیا زانکۆیێن هەرێما کوردستانێ بەردەوام بیت، ژبەر کو کوردستان پێدڤی ب هەلگرێن باوەرنامەیێن بلند و کەسێن بسپۆرە.
سەرۆک نێچیرڤان بارزانی پیرۆزباهی ل 145 دەرچوویێن ڤێ گەرێ یێن زانکۆیا ئەمریکی کر و داخواز ژێ کر: چارەیان بۆ کێشەیێن ژینگەهێ و ب بیابانبوونێ و کێشەیێن ئیداری، جڤاکی و سیاسی ببینن و هەروەسا پێشبینیا کێشەیێن پاشەرۆژێ بکەن و چارەیان بۆ ببینن.
نێچیرڤان بارزانی، سەرۆکێ هەرێما کوردستانێ د گۆتارا خۆ دا دامەزراندنا دەزگەها متمانەبەخشینێ ب پرۆگرام و ناڤەندێن خواندنێ ل هەرێما کوردستانێ ب گاڤەکا گرنگ ناڤ کر و دەستخۆشی ل بزاڤێن مەسروور بارزانی، سەرۆکێ حکومەتا هەرێما کوردستانێ د دامەزراندنا وێ دەزگەهێ دا کر.
تُتاح هذه الصورة أيضا في: کوردی