پتر ژ 57 هزار خێزانان ل پارێزگه‌ها دهۆكێ گازا سپى وه‌رگرتينه
گاڤ
وه‌زاره‌تا سامانێن سرۆشتى يا هه‌رێما كوردستانێ راگه‌هاند كو تا نوكه پتر ژ 215 هزار خێزانان ژ پرۆسێسا دابه‌شكرنا گازا سپى مفادار بووينه و ژ وان ژى پتر ژ 57 هزار خێزانێن پارێزگه‌ها دهۆكێ نه.
حكومه‌تا هه‌رێما كوردستانێ راگه‌هاند؛ تا كو 27ى كانوينا ئێكێ يا سالا 2022ێ، برێ 43 مليۆن و 159 هزار و 600 لترێن گازا سپى يا مالان ل سه‌رانسه‌رى هه‌رێما كوردستانێ هاتينه دابه‌شكرن.
ديار ژى كريه؛ ل گۆره‌ى دويماهيك ئامارێن وه‌به‌رهێنانا كانزايى يا وه‌زاره‌تا سامانێن سرۆشتى، تا نوكه 215 هزار و 789 خێزان ژ پرۆسێسا دابه‌شكرنا گازا سپى د مفادار بووينه و پرۆسێس دێ به‌رده‌وام بيت.
ئاشكرا ژى كريه؛ 11 مليۆن و 517 هزار و 600 لترێن گازا سپى ل پارێزگه‌ها دهۆكێ هاتينه دابه‌شكرن و 57 هزار و 588 خێزان ژێ مفادار بووينه.
تُتاح هذه الصورة أيضا في: کوردی
