روبینا تیاری: پێدڤییە ئێک بازنە بۆ ھەلبژارتنا نوونەرێن پێکھاتەیان ھەبیت
ئاژانسا خانی ” تایبەت:
نوونەرەکا کریستییانان ل پەرلەمانێ کوردستانێ دەستکارییا کۆرسی یێن کۆتا ل پەرلەمانێ کوردستانێ رەتکرن و ئاشکرا کر، پێدڤییە ئێک بازنە بۆ ھەلبژارتنا نوونەرێن پێکھاتەیان ھەبیت و رێکێ نادەن ھژمارا کۆرسی یێن پێکھاتەیان بھێنە کێمکرن.
روبینا تیاری، نوونەرا کریستیان ل پەرلەمانێ کوردستانێ بۆ ئاژانسا خانی دیار کر” ل سەر بنەمایێ قانوونا ھەلبژارتنان نوونەرێن پێکھاتەیان ل ھەرێما کوردستانێ ھاتینە دیارکرن بۆ پەرلەمانێ کوردستانێ و ئەم رازی نابین دەستکارییا ھژمارا کۆرسیێن پێکهاتەیان بھێتە کرن، ئەگەر لایەنێن سیاسی ل ھەرێما کوردستانێ ھەر بڕیارەکێ لدۆر کۆرسیێن کۆتا بدەن پێدڤیە ڤەگەڕن بۆ پێک ھاتەیان و بۆچوونا لایەنێن سیاسی و کەسایەتیێن ئاینی بھێتە وەرگرتن.
ناڤهاتییێ گۆت ژی” د دەمێ راستڤەکرنا قانوونا ھەلبژارتنان پێدڤییە ئێک بازنە بۆ ھەلبژارتنا نوونەرێن پێکھاتەیان ھەبیت، نابیت ببنە چەند بازنەک بۆ ھەلبژارتنان، ھەروەسا نوونەرێن پێکهاتەیان دناڤا کۆمسیۆنا ھەلبژارتنێن ھەرێما کوردستانێ بھێتە زێدەکرن د دەمێ کاراکرنا کۆمسیۆنێ دا.
تُتاح هذه الصورة أيضا في: کوردی