مهسرور بارزانی پێشوازى ل پاتریارکێ نوو یێ کەنیسەیا رۆژهەلاتا کهڤن كر
خانى نيوز:
ئهڤرۆ شهمبییێ” مەسرور بارزانی سهرۆكێ حکومەتا ههرێما كوردستانێ، پێشوازى ل مار گۆرگیسێ سێیێ یێ یۆنانێ، پاتریارکێ نوو یێ کەنیسەیا رۆژهەلاتا کهڤن کر.
د وێ دیدارێ دا ، سەرۆکێ حکومەتێ پیرۆزباهی ل پاتریارکێ نوو یێ کەنیسەیا رۆژهەلاتا کهڤن کر ب ههلكهفتا دەست بکاربوونا وی و هیڤییا سەرکەفتنێ بۆ خواست و پشتهڤانییا حکومەتا هەرێمێ بۆ پێشخستنا پێكڤه ژیانا ئاشتییانە یا دناڤبهرا پێکهاتێن جۆدا یێن هەرێما کوردستانێ دووپات کر.
پاتریارکێ کەنیسەیا رۆژهەلاتا کهڤن، ستایشا پێشکەفتن و ئاڤەدانی و رهوشا ئازادییا ئایینی و پاراستنا مافێن کریستیانان ل هەرێما کوردستانێ کر و سوپاس و پێزانینێن خۆ بۆ پشتهڤانییا بەردەواما حکومەتا هەرێمێ ل کریستیانان دەربری.
تُتاح هذه الصورة أيضا في: کوردی