حسێن قائیدى:پرۆسهیا ڕزگاركرنا گرتيێن ئێزدى ژ دهستێن داعش دێ يا بهردهوام بت
تۆرا لالش:
نڤيسینگهها رزگاركرنا گرتيێن ئێزدى ڕاگههاند؛دو كچێن دى يێن ئێزدى ژ دهستێ تیرۆرسێن داعشێ هاتنه رزگاركرن و پرۆسهیا ڕزگاركرنێ يا بهردهوامه.
ئيرۆ سێ شهمبوويێ ژىى تيرمههێ،حسێن قائیدى، بهرپرسێ نڤێسینگهها رزگاركرنا گرتيێن ئێزدی دڕاگههاندنهكێ دا بهلاڤكر كو دانهيهك ب دهست تۆرا لالش كهفتيه، ئهو كچێن هاتینه رزگار كرن ب ناڤێ عالیه خهلهف خدر و بهسێ خهلهف خدر بوون و ل دهمێ هێرشا تیرۆریستێن داعشێ ل شنگالێ ئهو ههردو كچه كهفتبوونه دهستێن تیرۆرستێن داعشێ و نوكه ههردو ژ دهستێن تیرۆرستان هاتنه رزگار كرن و دێ ب خێزانێن خۆ شاد بن.
قائیدى خوياكر، نڤيسينگهها رزگاركرنا گرتيێن ئێزدى ب پشتهڤانیا سهرۆكێ ههرێما كوردستانێ، سهرۆك نێچیرڤان بارزانى ل سهر رزگاركرن و لێگهریان ل چارهنڤێسێ كچ و ژنێن ئێزدى یێن د دهست داعشێ دا مایى بهردهوامه و تا ئێك كچ و ژن مابت ئهو دێ كارى بۆ رزگاركرنا وان كهن.
ههتا نۆكه ژ سهرجهمێ شەش ھەزار و 417 کەسان دهمێ داعش گرتين سێ هەزار و 568 گرتيێن ئێزدى هاتينه رزگارکرن.
تُتاح هذه الصورة أيضا في: کوردی