دەقێ ڕاگەهاندنا وەزارەتا پێشمەرگەهی:
بەرێ سپێدهیا ئیڕۆ ٢٤/٣/٢٠٢٦، د دوو هێرشێن ژێكجودا دا، بارەگاهەکێ فیرقەیا ٧ یا پیادە ل دەڤەرا ١ و هێزەکا فیرقەیا ٥ یا پیادە یا هێزێن پێشمەرگەی ل سنوورێ سۆران، د کریارەکا دوژمنکارانە دا و ب غەدر و خیانەت و دوور ژ هەموو ڕەوشتێن مرۆڤایەتی و هەڤسۆزییێ، کەفتنە بەر هێرشا ٦ مووشەکێن بالیستی یێن ئێرانی و د ئەنجام دا ٦ پێشمەرگەیێن قەهرەمان شەهید بوون و ٣٠ پێشمەرگەیێن دی ژی بریندار بوون.
د دەمەکێ دا کو ب توندترین شێوە ڤێ هێرشێ و هەموو هێرشێن دی یێن تیرۆریستی یێن دهێنە سەر هەرێما کوردستانێ شەرمەزار دکەین، دوپات دکەینەڤە کو هەموو مافەکێ مە هەیه بۆ بەرسینگگرتنا هەر دەستدرێژیەکا دهێتە سەر گەل و ئاخا مە.
ب چ ڕەنگەکێ مە چاڤەڕێی هندێ نەدکر ب ڤی شێوەیێ نامەردانە، بەرسڤا هەڵوێستێ ئاشتیخوازانەیێ هەرێما کوردستانێ بهێتە دان، بەلێ تەمەنێ غەدر و ستەمێ کورتە و ئیرادەیا ئاشتیخواز دێ هەر سەرکەڤت.
ل گەل پرسە و سەرەخۆشیێن مە بۆ بنەماڵە و کەسوکارێن شەهیدێن مە، هیڤییا چاکبوونا ب لەز بۆ برینداران دخوازین، جارەکا دی داخوازێ ژ هەمی ئالییان کەین شەڕ و ئاژاوەیێ ژ هەرێما کوردستانێ دوور بێخن، هەروەسا داخوازێ ژ حکومەتا فیدراڵ و کۆمەڵگەها نێودەوڵەتی و هەموو دۆستان دکەین بەرانبەر ڤان پێشێلکاریان بێدەنگ نهبن و سنوورەک بۆ ڤێ دەستدرێژییا بێباکانە بهێتە دان.
وەزارەتا پێشمەرگەهی ٢٣/٣/٢٠٢٦
تُتاح هذه الصورة أيضا في: کوردی