شێوەکارێ گەنج، عیسا ئەلجەفری، ب رێکا تابلۆ و ڕەنگێن خوە، چیرۆکێن تال و ئازارێن گەلێ ئێزدی ل دەمێ هێرشێن تیرۆرستێن داعشێ دکەتە تابلۆ و ل سەر دیوارێن دەڤەرێ نەخش دکەت، دا کو ئەو بیرەوەرییە ژ یادا نەوەیێن نوو نەنە چوو
ناڤهاتی د لێدوانهكێ دا بۆ كهنالێ تۆرا لالش دا دیاركرن: ئەز وەک شێوەکارەکێ گەنج، ب ڕێکا تابلۆ و کەڤالان هەول ددەم چیرۆکێن تال و ئازارێن گەلێ خۆ یێ ئێزدی، یێن کو ل دەمێ هێرشێن تیرۆرستێن داعشێ دەرباز بووین، بکەمە تابلۆ و ل سەر دیوارێن دەڤەرێ نەخش بکەم، دا کو ئەو بیرەوەرییە د بیردانکا نڤشێن نوو دا ب زیندی بمینن.
گۆتژی: ل سالێن 2014 و 2015ێ من دەست ب کێشانا تابلۆیان ل سەر قوماشی کر، لێ پشتی ڤەگەریانا من بۆ کۆمەلگەها خانەسۆرێ ل سالا 2022ێ، من بڕیار دا هونەرێ خۆ ببەمە سەر دیوارێن کۆلان و مالێن دەڤەرێ، مە دیت دیوارێن مە یێن سپی و سادەنە و گەلەک مال ژ ئالیێ تیرۆرستێن داعشێ ڤە هاتبوونە خرابکرن، لەورا من خواست ب ڕێکا ڕەنگ و وێنەیان، جوانی و ژیانێ بۆ وان دیواران زندی بکەمەڤە.
شێوەکارێ گەنج، عیسا ئەلجەفری: د ناڤ کارێن من دا، تابلۆیەکا سەرەکی هەیە کو بەحسێ “چارەنڤیسێ نەدیار” دکەت؛ تێدا من دیار کریە کا چەوان خەلکێ مە نەدزانی دێ بەرەڤ کوڤە چن و دێ ل کیدەرێ سهکنن، هەروەسا، لهوحەیێن من ئازارێن ژنێن ئێزدی د ناڤ دەستێن تیرۆرستان دا ب شێوەیەکێ کاریگەر و سیمبۆلی بەرجەستە دکەن.
ئاماژهكر: ئەز دگەل هەڤالێن خۆ یێن هونەرمەند و ب هەماهەنگی دگەل تیمێن میدیایی، کار دکەین دا کو سیمایێ دەڤەرێ بگهۆرین، ئارمانجا مە ئەوە تشتێن جەزاب و جوان ل دەڤەرێ چێکەین دا کو خەلکێ دەڤەرێن دی ژی چاڤ ل مە بکەن و هەموو دیوارێن سپی ببنە پارچەیەک ژ هونەر و ناسنامەیا دەڤەرا مە.
دیار ژی كر: ئەز دوپات دکەم کو دێ ل سەر ڤی کاری بەردەوام بم، هەتا کو هەموو دیوارێن بریندار یێن شنگالێ ب ڕەنگێن ژیانێ و ئومێدێ بهێنە نەخشاندن.
تُتاح هذه الصورة أيضا في: کوردی