تۆرا لالش
ل رێکەفتی(٢٠٢٦/٤/٢٣)ێ ب حازریا رێزدار سەعید جردو سهرۆكێ بنگەهێ لالش و کاک صادق علو بەرپرسێ ناڤچا شێخان و هەر دوو هەڤالێن بەرپرسێن ریکخراوا دیرسم کاک حازم هادی و بەرپرسێ رێکخراوا بارزان کاک حازم شاکر و ب ئامادەبوونا ژمارەیهکا کەسایەتیێن کۆمەلگەها مەهەتێ رێ و رەسمەکا تایبەت ل باخچێ نڤیسینگهها لالش مەهەتێ هاته ب رێڤهبرن.
ل دەستپیکێ ئامادهبووی خۆلهكهكێ بۆ گیانێ پاكێ شههیدان سهروهرێ وان بارزانیێ نهمر و كاك ئهدریسێ ههردهم ساخ سهكنین و دووڤدا رێزدار مههدی حەسەن بەرپرسێ نڤیسینگەها لالش مەهەتێ بخیر هاتنا مێهڤانان کر و کورتییەک ژ کارێ هاتیە کرن دا خویاکرن کا ب چ شێوەیی هاتیە دروستکرن و سوپاسیا خەلکێ مەهەتێ کر ژ بۆ ڤی کاری.
پاشان سهرۆكێ بنگههێ لالش رێزدار سەعید جردۆ پەیڤەک خواند تێدا سوپاسیا خەلکێ مەهەتا کەڤن کر ژ بو ڤێ هاریکاریێ و نوژەنکرنا هۆلا لالش گۆت: ئەڤە نیشانا ئیکگرتن و برایەتییا وەیە و كارهكێ پیرۆزه وه ئهنجام دای.
بۆ ماوەیێ (٣) هەیڤان کار ل سەر د هێتە کرن ئهوژی بهردهوام دهاته نوژەنکرن و زێدەکرنا بەشەکی دی یێ جهێ خوارنێ ب دریژاهییا (٢٠)م و پانی یا (٧)م ( جەمەلون) هەر وەسا بویاخکرنا هۆلێ ژ دەرڤە و ناڤدا و سەخبیرکرنا کەهرەبائیا هۆلێ.
تێ زانین ب گۆژمێ نێزیکی( ٢٥) ملیون دیناران ژلایێ گوندییان ڤە هاتبوویە دابینکرن لێ هاتە مەزاختن هەر ب ڤێ هەلکەفتێ موختارێ مەهەتێ بەریز کاظم الیاس هاتە خەلاتکرن ژ بو چاڤدیری و خزمەتا وی و چاڤدێریکرنا نوژەنکرنا کارێ هۆلێ.
ل داویێ هەموو ئامادەبوویان پێکڤە گەریانەک ل هۆلێ كرن و كهیف خۆشیا خۆ دیارکرن.
تُتاح هذه الصورة أيضا في: کوردی