رۆژ و دەم: ٣ی گولانا ٢٠٢٦
جهـ: باخچێ لالش ل کۆمەلگەها مەهەتێ
پێشەکی
ب هەلکەفتا ١ـی گولانێ، رۆژا جیهانی یا کرێکاران، نڤیسینگەها لالش مەهەتێ ب هەڤکاری دگەل شارەوانیا مەهەتێ و شارەوانیا زیلکان و ب پشتەڤانیا لقا ٢٠، رێورەسمەکێ تایبەت بۆ رێزگرتن ل کرێکارێن دەڤەرێ ئەنجامدا.
سەرپەرشتی و ئامادەبوویێن فەرمی
ئەڤ چالاکیە لژێر چاڤدێریا رێزدار سەدار شێخ یحیی، قایمقامێ قەزا شێخان هاتە برێڤەبرن. هەروەسا ب ئامادەبوونا کەسایەتیێن ل خوارێ:
* سردار شێخ یحیی قایمقامێ قەزا شێخان
*مەهدی حەسەن بەرپرسێ نڤیسینگەها لالش مەهەتێ
• نزال عادل – نوینەرا لقێ بەشێ رێکخراوێن جەماوەری و پیشەی
• رێزان میرزا بگ – رێڤەبەرێ ناحیا باعەدرێ
• فەرماندە سەید شکر
• حەنیف داود – بەرپرسا ناڤەندا ئافرەتێن قەزا شێخان
• حازم هادی – بەرپرسێ رێکخراوا دیرسم و نوینەرێ ناوچا شێخان
• رێڤەبەرا شارەوانیا زیلکان ست حیات
• چەندین کەسایەتی و رێڤەبەرێن دی یێن دەڤەرێ
کارێن چالاکیێ
١. دەستپێک: ژ لایێ رێزدار مەهدی حسن، بەرپرسێ نڤیسینگەها لالش مەهەتێ، بخێرهاتنا مێڤانان هاتە کرن. پشترە کورتیەک ل سەر دیرۆک و گرنگی و پیرۆزیا رۆژا جیهانی یا کرێکاران پێشکێشکر.
٢. خەلاتکرن: ژمارەکا ٢٠ کرێکارێن کچ و کور ژ دەڤەرێ هاتنە خەلاتکرن و دیاری ل سەر وان هاتنە دابەشکرن. ئەڤ بەرنامە ژ لایێ لقا ٢٠ ڤە هاتیە داریشتن و ژ لایێ نڤیسینگەها لالش مەهەتێ ڤە هاتیە جێبەجێکرن.
٣. پەیڤا قایمقامی: رێزدار قایمقامێ شێخان پەیڤەک پێشکێشکر و تێدا:
○ رۆژا کرێکاران ل هەمی کرێکاران پیرۆز کر
○ دەستخۆشی ل شارەوانیا مەهەتێ، زیلکان و نڤیسینگەها لالش کر بۆ رێکخستنا ڤێ چالاکیێ
○ تەکەزی ل سەر گرنگیا پاراستنا ژینگەهێ کر و داخاز ژ ئامادەبوویان کر کو خەمخۆرێن ژینگەهێ بن
○ سەرسامییا خۆ بۆ پاقژیا کۆمەلگەها مەهەتێ دیارکر و گۆت: “ئەم د خوشحالین ب ڤێ دیاردا پاقژیا شەقام و دەوروبەرێ مەهەتێ و هیڤیدارین بەردەوام بن ل سەر ڤێ پاقژیێ”
○ بەحسێ رۆلێ حکۆمەتێ و کابینا نەهێ کر کو پالپشتێن کرێکارانە و پێنگاڤێن مەزن هاڤێتینە ژ بۆ دابینکرنا ژیانەکا خۆش بۆ کرێکاران
ئەنجام و سوپاسی
نڤیسینگەها لالش مەهەتێ سوپاسییا هەمی لایەنێن پشکدار دکەت، بتایبەت قایمقامییا شێخان، لقا ٢٠، شارەوانیا مەهەتێ و زیلکان بۆ هەڤکاری و پشتەڤانیا وان. ئەم دووپات دکەین کو دێ بەردەوام بین ل سەر خزمەتکرنا چینا کرێکاران و بلندکرنا ئاستێ هشیاریێ ل سەر مافێن وان.
نڤیسینگەها لالش مەهەتێ
٣ـی گولانا ٢٠٢٦
تُتاح هذه الصورة أيضا في: کوردی