ب مەرەما زەلالکرنا ناسناما کەلتووری و پشتەڤانیکرنا خودان بەهرەیێن دەڤەرێ، ل ژێر چاڤدێریا دەستەیا بلندا بنگەهێ لالش ل دهۆکێ، بڕیارە ڤیستەڤالا شاریا یا کەلتووری یا سالانە بهێتە سازکرن.

بنگەهێ لالش تایێ شاریا ڕایگەهاند کو ئەڤ ڤیستەڤالە دێ چەندین بڕگێن هونەری، کەلتووری و پێشانگەهێن کارێن دەستی بخۆڤە گریت، کو ببنە ڕەنگڤەدانا دەولەمەندیا کەلتوورێ ڕەسەن یێ دەڤەرێ.

ل دۆر دەم و جهێ ئەنجامدانا ڤێ چالاکیێ، ئاماژە ب وێ چەندێ هاتە کرن کو ڤیستەڤال دێ ل ڕۆژا سێ شەمبوویێ، ڕێکەفتی ١٢ی گولانا ٢٠٢٦ێ، ل باخچێ مۆلا شاریا هێتە ئەنجامدان.

لژنەیا ئامادەکار بانگهێشتا هەموو خودان بەهرە و خودان کارێن دەستی دکەت یێن کو حەزا پشکداریێ د پێشانگەهێن ڤیستەڤالێ دا هەین، ب زوترین دەم سەرەدانا بارەگەهێ بنگەهی ل کۆمەلگەهێ بکەن بۆ پێشکێشکرنا بەرهەمێن خۆ.

بنگەهێ لالش ب ڤێ دەستپێشخەریێ دخوازیت ئاستێ ڕەوشەنبیری و کەلتووری ل کۆمەڵگەها شاریا پتر پێشبێخیت و پشتەڤانیا بەهرەمەندێن دەڤەرێ بکەت.