تۆرا لالش
بنگههێ لالش یێ ڕهوشهنبیری و كۆمهلایهتی ل دهۆكێ، د چارچۆڤێ بهردهوامیدان ب سازدانا مژار و چالاكیێن ڕهوشهنبیری دا، ئێڤاریا ئیرۆ پێنجشهمبێ ڕێكهفتی 23ـی تیرمهها 2026ـێ ل دهمژمێر 5:00ی ئێڤاری، دانوستاندنهكا ڤهكری بۆ بۆ ئهكاديميست د. سالم جاسم ڕێكخست.
ئهڤ ڕوونشتنه ب ئامادهبوونا هژمارهكا بهرچاڤ ژ ئهكادیمی، كهسایهتی و ڕهوشهنبیران هاته برێڤهبرن، تهوهرێ سهرهكی یێ روونشتنێ ل ژێرناڤونیشانێ “ل بهر ڕۆناهييا بهراوردكرنا ڤهكۆلينێن جينۆسايدێ” بوو، ناڤبری تیشک ئێخستە سەر دهردهسهرييێن پێکهاتێ ئێزدی ب ڕێيا گۆتارهكا زانستى.
ل بهراهيێ ئهكاديميست د. سالم جاسم ب تێر و تهسهڵى بهحسێ بابهتى كر و گۆت: كاركرن ل سهر بابهتێن جینۆسایدێ ب راستی یا ب سهناهی نینه، ژبهركو ئهركهكی جڤاكی و مرۆڤایهتیه و دڤێت مرۆڤ ب بجهـ بینت، ژبهركو مللهتێ كورد پترترین مللهته تووشی جینۆسایدان بووی.
ناڤهاتی بهرهوردییهك كر دناڤبهرا جینۆسایدا ئێزدیان ل شنگالێ و جێنۆسایدێن هۆلۆكۆست و ئهرمهنیا…هتد.
دیارژی كر كو جینۆساید بابهتهك نینه مرۆڤ بتنێ ل سهر كاربكهت ئهگهر ڕهههندێن یاسایی ل بهرچاڤ وهرنهگرت.
گۆتژی: پتر ژ 80 دهولهتان د شهرێ 2014ێ دا پشكداربوون چ ب وهكالهت و چ وهكو ههڤپهیمانییا شهری ل دژی داعش.
ل داویێ ژی، دهرگههێ دانوستاندنێ بۆ ئامادهبوویان هاته ڤهكرن، ئامادهبوویان ب پێشكێشكرنا ڕا و بۆچوون و پرسیارێن خۆ بابەت دهولهمهندتر كرن، و نڤیسهری ژی بهرسڤا تهمامیا پرسیار و تێبینیێن وان دان.
بنگههێ لالش ل ڕۆژێن پێنجشهمبووییان روونشتنێن ڤهكری ل دۆر مژارێن جودا جودا یێن گرێدای ب ڕهوشا ئێزدیان و بزاڤا ڕهوشهنبیری ڤه ساز دكهت.
تێ زانین بنگههێ لالش ل دهۆكێ د بزاڤێن بهردهوام دايه بۆ بهلگهكرن و گهنگهشهكرنا دۆسيهيێن جينۆسايدێ و ديرۆكا ئێزدیيان
تُتاح هذه الصورة أيضا في: کوردی