بابێ شێخ “شێخ عهلى شێخ ئهلياس” مهرجهعێ ڕۆحى يێ ئۆلا ئێزدييان، بهياننامهيهك ب ههلكهفتا بيرهوهرييا دوازده سالييا جينۆسايدا ئێزدييان ل سهر دهستێ ڕێكخراوا داعش يا تيرۆرستى بهلاڤ كر.
بابێ شێخ ل دەستپێکا بەیاننامەیا خۆ دا بەحسا قوربانی و بریندار و ڕەڤاندييان کر، و ئەوا قەومی وەک “ئێک ژ كرێترين و نەشرینترین تاوانان ل دیرۆکا نوو دا ” وەسف کر، کو ئارمانجا وێ جینۆسایدێ ژناڤبرنا هەبوونا ئێزدییان بوو ب ڕێيا کۆمکوژی، ڕەڤاندن، ل ژێر “بێدەنگییەکا نێڤدەولەتی یا شەرمزارکەر.”
دهقێ پهياما بابێ شێخ:
ل سێیى تهباخا ٢٠١٤ێ، چهكدارێن رێكخراوا تیرۆرستییا داعش هێرشهكا بهرفرههــ كرنه سهر قهزا شنگالێ، كرێتترین زنجیرێن تاوانان ل دیرۆكا نووى ئهنجام دان، ئهوژی جێنۆساید، كوشتنا ب كۆم، و رهڤاندن و ئێخسیكرنا ئێزدییان، و فرۆتنا كچ و ژنێن ئێزدیان ل بازارێن كۆیلایهتیێ، و ئارمانجا وان ههموو ژناڤبرنا جڤاكێ ئێزدیان بوون.
ئهڤان تاوان بوونه ههزاران كهس بوونه قوربانی، سهربارى رهڤاندنا ژن و زارۆكان و ئەنجامدانا تاوانێن كوشتنا ب كۆم كو ههتا ئیڕۆ ئاسهوارێن وان ل دههان گۆڕێن ب كۆم دیارن دیارن.
ل ئهڤێ سالڤهگهرا دلئێش دا، ب رێز و حورمهتهكا مهزن ڤه ئهم گیانێ جانگۆریێن ئێزدیان ل ب بیر دئینین، و ههڤسۆزیا خوه ب تهمامى بۆ مالباتێن وان، رزگاربوویان، و رهڤاندییان رادگههینین، ئهوێن ههتا ئیرۆ ژى چارهنڤیسێ گهلهكان ژ وان نهیێ دیاره.
ب ههلكهفتا هاتنا دووازدهمین سالڤهگهرا جێنۆسایدا كوردێن ئێزدی، ئهم داخوازێ ژ حكومهتا عێراقێ، حكومهتا ههرێما كوردستانێ و جڤاكێ نێڤدهولهتى دكهین كو بزاڤێن خۆ چڕتر بكهن بۆ بدەستڤەئینانا دادپهروهریێ، و لێگهڕیانێ ل ئاشكهراكرنا چارهنڤیسێ رهڤاندییان، تا نها مالباتێن وان ب ئۆمێد ڤه چارڤهرێ زڤرینا وانن.
دیسان ئهم داخوازا پێكئینانا دادگهههكا تایبهتمهند ب تاوانێن جێنۆسایدێ دكهین، بۆ دادگههكرن و سزادانا تاوانبارێن داعشێ ل سهر تاوانێن دژى ئێزدیان ئهنجام داین، دگهل ناسینا تهمام كو ئهوا ب سهر ئێزدیان ب جێنۆساید، ل دووڤ وێ چهندێ یا تیمێ ڤهكۆلینێ یێ نهتهوێن ئێكگرتى (UNITAD) ئاماژه پێ داى.
رژدیێ ل سهر داخوازیێن جڤاكێ ئێزدى و دامودهزگههێن وى دكهین بۆ كرنا بزاڤێن زیێتر، و دابینكرنا پشتگرى و داراییكرنا پێدڤى بۆ تهمامكرنا كاری ل سهر گۆڕێن بهكۆم ئهوێن ماین، و ئەنجامدانا پشكنین و ڤهكۆلینێن تاوانكارى و پاراستنا بهڵگهنامهیان ب شێوهیهكێ كو ل گهل مهزناهیا ئهڤێ تاوانێ بگونجیت. ئهم پێدڤیاتیا تۆماركرنا پرۆسهیى يا ئهڤان تاوانان، پاراستنا بهڵگه و دیتنێن زندی، و كاری بۆ مسۆگهركرنا نهدووبارهبوونا تاوانێن وهسا و جێنۆسایدان ل پاشهڕۆژێ دكهین.
پشتى دووازده سالان ژ ئاوارهبوونێ، هێشتا پتر ژ (٢٠٠ هزار) كهسان ژ خهلكێ شنگالێ ل ژێر بارودۆخهكێ مرۆڤى و ژیاریێ دژوار ل كهمپێن ئاواران ل پارێزگهها دهۆكێ دژین، ل دهمهكێ نێزێكى چارهكهكا ئێزدیان ژبهر رهوشا نالهبار یا ئێزدییان ب ئێكجارى چۆینه دهرڤهی وهلاتی.
ل سهر ئهڤێ چهندێ، ئهم داخوازێ ژ حكومهتا عێراقێ دكهین پشتهڤانییا خوه یا پێدڤى پێشكێش بكهت ئهوژی زیانڤێكهڤتییان قهرهبوو بكهت.
سالڤهگهرا دوازدێ ب سهر مه دا دبۆرت، و هێشتا ههزاران مالبات ل هیڤییا زانینا چارهنڤیسێ كهسوكارێن خۆ نه، كۆ هێشتا پتر ژ دوو ههزار و پێنجسهد (٢٥٠٠) كهسان ژ ژن و زارۆكان چارهنڤیسێ وان نهدیارن، ئهم داخوازێ دكهین كۆ پرۆسهیا لێگهڕیان و ڤهكۆلینێ ژ لایێ جهێن پهیوهندیدار ڤه ب ههڤكاری ل گهل نهتهوێن ئێكگرتى و رێكخراوێن نێودهولهتى لهزتر بن داكو رهڤانده رزگارببن.
دیسان جهختێ ل سهر پێدڤیاتیا ئاڤاكرنهڤهیا قهزا شنگالێ و كۆمهلگههـ و گوندێن ئێزدیان، و نووژهنكرنا ژێرخانا وێ، و ڕهخساندنا ژینگهههكا ئارام دكهین كۆ زڤڕینا ئاواران ب كهرامهت و ئارامى مهسۆگهر بكهت، پشتى كو نالاندنا وان ل كامپێن ئاوارهبوونێ گهلهك ڤهكێشاى.
ژ وێنهیێن گهشێن كو جڤاكێ ئێزدى ل ساڵێن نهخۆشیێ دا پێشكێش كرین، پشتگیریا وى بوو بۆ رزگاربوویان ژ جێنۆسایدێ، ئهوێن كو شاهیدێن زندى نه ل سهر ئهڤێ تاوانێ. ئهو دگهل مالباتێن خۆ، پێدڤى ب پشتگیریا دهروونى، جڤاكى و ئابوورى یا دهمدرێژ نه.
ل دهمهكێ ئهم دهرچوونا یاسایا ژنێن رزگاربوو ب ههنگاوهكا گرنگ ل رێڕهوا دادپهروهرییا قوربانیان دبینین، ئهم داخوازا بلهز بجهئینانا وێ دكهین، و دابهشكرنا ههموو قهرهبوویێن ههژى بێى گیروبوون و ئالۆزیێن ئیدارى، و دابینكرنا پرۆگرامێن شیانداركرنا كارامه، و تێكهڵكرنا رزگاربوویان د جڤاكى دا ب شێوهیهكێ كو كهرامهت و مافێن وان بهێنه پاراستن، دوور ژ تاوانباركرن و جیاوازیێ.
جێنۆسایدا ئێزدییان تنێ مرۆڤ نهكرینه ئارمانج، بلكو ههولدانهك بوو بۆ ژناڤبرنا ناسنامه، كهلتوور و ئۆلی یا ئێزدییان بوو، لهوران ئهم ل سهر ئهڤێ چهندێ ئهم رژدیێ ل سهر پاراستنا مافێن ئۆلى و كهلتوورى یێن ئێزدیان د دهستوور و یاسایان دا دكهین، و پشتگیریا دامودهزگههێن ئۆلى، پهروهردهیى و كهلتوورى، دا كو ئهڤ كهلهپوورێ دێرین سهركهفتى بت و بۆ نهوهیێن پاشهڕۆژێ بهێته پاراستن.
ئهم داخوازا دروستكرنا سهنتهرهكێ نیشتمانى یان نێڤدهولهتى دكهین بۆ تۆماركرنا تاوانێن جێنۆسایدا دژى ئێزدیان، كو ب ئهركێ خڕڤهكرنا دیدهڤانێن زندى، بۆ پاراستنا بهڵگهنامهیان و تۆماركرنا تاوانان ڕاببت، دا كو ئهڤ تاوانه د بیرهاتنا نفشهیێن مهدا دا و د هۆشیارى و رای گشتی يا جیهانێ ب مینت.
ئهم بزاڤێن مرۆڤایهتى یێن مهزن ئهوێن ل سالێن بۆری دا ژ لایێ جهێن جودا جودا ل ئاستێن ناڤچهیێ، نێڤدهولهتى و رێكخراوێن جڤاكێ مهدهنى ڤه هاتینه كرن، سوپاسیا وان دكهین و ب رێزڤه تهماشه دكهین، ههروهسان سوپاسییا ههر ئالییهكی دكهین یێن ژ رۆژا ئێكێ ههتا نهۆ دگهل خهلكێ مه.
دیسان ئهم تهكهزیێ دكهین كو پشتهڤانییا دهزگههێن ههرێما كوردستانێ ل رزگاركرنا رزگاربوویان و پێشكێشكرنا پشتهڤانییا مادى بۆ خهلكێ مه، جهێ رێز و سۆپاسیێ يه.
بیرهاتنا جێنۆسایدێ د دهمێ مه یێ كۆم دا دێ یا زندى مێنت، و دێ وهكى برینهكا ڤهكرى ل بیرهاتنا مه دا مێنت، و ئهم رێكێ نادهین دووباره ببیتهڤه. ڤیا ئهڤ بیرهاتنه ببیتە هاندەر بۆ ئاڤاكرنا پاشهڕۆژهكێ كو دادپهروهرى، ئێكسانى و ئاشتى بالدهست ببن، دا كو ههموو كهس ب كهرامهت و ئارامى بژین.
ڕەحما خودێ ل شههیدێن مه ئێن سهربهرز بن،
و ئازادى بۆ رهفێندراو و وندا بوویان،
و ئارامى و ئاشتى بۆ گهلێ مه.
بابێ شێخ
شێخ عهلى شێخ ئهلیاس
3/8/2026
تُتاح هذه الصورة أيضا في: کوردی