تۆرا لالـش
ئیرۆ ڕۆژا چارشه‌مبوویێ ل ڕێكەفتی 26ی ئابا 2026ێ، خێرخوازێ ئێزدی دلمان حاكم نەمر سەرەدانا بنگەهێ لالش یێ ڕەوشەنبیری و كۆمەلایەتی ل دهۆكێ كر.
ناڤهاتی ژ ئالیێ سەعید جردۆ سەرۆكێ بنگەهێ لالش، جەعفەر سمۆ ئەندامێ دەستەكا بلند، و دلگەش سەلیم بەرپرسێ بنگه‌هێ لالش تایێ شاریا ب گەرمی هاتە پێشوازیكرن.
ل دەمێ دانوستاندنێدا، سه‌رۆكێ بنگه‌هێ لالش ڕۆلێ چالاك و بەرچاڤێ دلمان حاكم نەمر د پێشكێشكرنا هاریكاریان بۆ مالباتێن هەژار و كێمدەرامەت و ئاواران دا بلند نرخاند و دەستخۆشی ل كارێن وی یێن خێرخوازی و مرۆڤایەتی كرن، ژبه‌ركو دەستێ هاریكاریێ بۆ ته‌ڤایا ئاكنجیێن دەڤەرێ درێژ دكه‌ت.
جێیێ ئاماژەپێدانێیە كو خێرخواز دلمان حاكم نەمر سالانە و ب شێوەیەكێ بەردەوام ب تایبەتی ل دەمێ نێزیكبوونا جەژن و هەڵكەفتێن ئۆلی و نەتەوەیی هاریكاریێن جۆربەجۆر دگەهینتە مالباتێن كێمده‌رامه‌ت و ئاواران.
تُتاح هذه الصورة أيضا في: کوردی