Bingehê laliş: du sal li ser karesata Şingalê borîn û piştevanya nêv dewletî ne li astê petvye eve birewerya duyeminê li ser karesata dagîr kirina Şingal ji bal tîrorstên Da’ş yên gunehkar , ewa buye egerê kuştin û hinda bun û revandina bi hezaran jin û zarok û zelamên ji kurdên Êzidî, her wisa herfandina zorbeya jêrxana Şingal zedebarî talan kirin û dizyna milk û mal û herfandina mezargehên Êzidyan û hezaran malên xelkê me .
Di gel hatina bîrewerya duyê ya vê karesatê , amajê bi wê çendê di ête dan ku serok Barzanî soza azad kirina Şingal da u soza xwe bi cih anî bi serkeftyane Şingal rizgar bu li ser destê pêşmergên qehreman , u eve yek ji handerê vejandina hîvî û omêda me ya berdewam bu. Ya xweya ye encamên karesata Şingal dê berdewam bin , ji ber gîrobuna pêşkeş kirina piştevanya nîv dewletî û cîhanî , beruvajî wan sozên me ji şandên diblomatîk di bihstin ji zorbeya welatên roj ava û gelek welatên din , zêdebarî sozên rêkxstinên xêr xwaz û mirovayetî yên Cîhanî ewên zorbeya wan bi mixabinî ve ne hatine bi cih anîn wek me hez kirî .
Bi hezaran kes di nav kempên awarebunê da di jîn liber germ û sermayê , û rewşa wan ya xirabe ji ber kêmbuna harîkaryên pêtvyên rojane û yên tendirustî û mirovayetî .. û zêdetir. Bi hezaran xêzan li kes û Karên xwe di gern li gorên bi kom yan li pê deng û basên wan di gern ji wan kesên hatin rizgar kirin ji zîndanên rêkstina tîrorst li Iraq û Şamê . Herwisa ew kiçên rizgar buîn ji rewşa wan baş nyne , taybet ewên li nav kempa da di jîn di gel xêzanên xwe , wan keçan pêtvyeka zor bi piştevanya dirunî û madî heye da ji wê rewşa xirab derbaz bin û bikarn careke din têkelî civakî bibin . û ew girtyên hêşta di destê Da’ş da mayin di rewşeka zora sext û dijwar û xirab da dijîn û li pey çîrokên ewên ji destên Da’ş rizgar buîn ew di keftine ber eşkencedanên cora û cor û dest dirêjî û hetik birin li gel wan di hate kirin û sedebarî ku di hate kirin wek (sebaye) û kule li vî serdemê çerxê bîst û yekê de .
Îro roj berpirsatyek mezin di kefte ser milên civaka nîv dewletî jibo vegerandina mafên Êzidyan yên ku ketine ber tundrewtrîn hêrş di mêjuyê da , ew hêrşa ku di vyan Êzidyan qir biket û binbir bike, belê îrada xelkê me û xweragirtina wan mezintr bu ji hemu pilanên dujminan û hêzên wan yên tunderew . Penasandina ku bi serê Êzidyan hatî (cînosaîde) qir kirina bi kome ji alyê civaka nîv dewletî ve ne xelateke bo Êzidyan , belku mafê wane ji ber wê tiracîdyaya bi serê xelkê me hatî ji kuştin û revanidin û sebî kirin û talan kirina milk û malan û sepandina aînekî nu li ser êxsyrên me bi zorî dur ji hemu binemayên mirovatî .
Û di gel bangewazya me bo civaka nîv dewletî û rêkxstinên nîv dewletî bo dest pêkirina karê cidî jibo bi cih anyna pilanên harîkar jibo zivrandina xelkê me yê aware bo deverên wan bi qedr û qîmet, her wisa daxwaza azadkirina deverên mayîn yên di ken li başurê Şingal û Başîk û behzan , zêdebarî deverên dewr û ber ji bo parastina wan ji metrsyan . Herwisa daxwazê ji cihên peywendîdar di kin jibo hemu tuana û şyanên xwe bêxne kar jibo rizgar kirina keç û jinên me yên di destê Da’ş da mayîn bi zutrîn dem , û dupat dikin ku kes û Karên wan li hevya wanin çend dom dirêj bibe , û her keçeka me ya revandî rizgar bibt de were pêşwazî kirin bi şanazî û ser bilindî . ew tengavya dilê me û dilê hemu hevalên me îşandî û hêş di êşyne , rê li me nagirie em pesn û supasya xelkê Kurdistanê biken ewên destê harîkaryê direjî xelkê me kirin li rojên tengav û dijwar da.
Û sedebarî kirêza aburî ya ku herêm têre derbaz di be,bi taybet piştî dabezîna behayên pitrolê , serkirdatya heremê ya rijd buye bo pêşkêş kirina wî barê pê çêbuy jibo sivk kirina barê xelkê me yê aware . Herwisa em pesn û supasya serokê hikumeta herema Kurdistanê berêz ( Nechîrvan Barzanî) û kabîna wî ya wezarî di kin , ya ku hemu şyanên xwe dane kar jibo peywendyên berdewam di gel welatên heval û aştî xwaz û zengîn jibo harîkarî kirina heremê ji alyê aburî ve daku bi qart vê tengavyê derbaz bikit û dabînkirina beşekî ji vê piştevanyê jibo xelkê me yê Şingal , bo zanîn eve bo mawê 3 sala ye hikumeta yekgirtî li Bexdayê mezaxtina budca Şingal sekinandî zedebarî wê petvya mezin bore bi leborîn ve . em di bînin ewê tawana dagîr kirina Şingal cêbecê kirî di vya çend armanca bi cih binit . ji wan jî parche parche kirina civakê Kurdistanê û veqetandina Êzidyan ji welatên wan yê dayk anku Kurdistan .
Belê bi qurbanyên pêşmergên qehreman û hikumet û şarezaya serok Barzanî ew pilana çapel hate ruxandin , û em dupat di kin bo hemuyan ku em çu cara dest ji nasnama xwe ya neteweiy ya kurdî bernadin , û dest ji erdê bab û bapîran bernadin , û dest ji pirozyên xwe bernadin herwisa bi çi şêweya em dest ji welatê dayk Kurdistanê bernadin çenku parçeke mêjuy û here resenin ji vî welatî, û me baweryeke mukim heye alaya Kurdistanê ya rengîn ya ku roja nûrê û heqyê cihê xwe di nîva wê da girtî dê li dawyê bi serkeft li ser alaya reş alaya zilmê û taryatyê û xirab kirinê û paşkeftinê .
li dawyê di bejin , me hevye li her bîrhatinekê di bore li ser karesata Şingalê da , em di bînin berî hemu tiştî çend Karên baş yê bi cih hatîn li berjiwendya qurbanyên bê guneh û herwisa awareyan da, ku me hîvye keysa wan berdewam be heta ku deverên wan bên tamîn kirin û herwisa ava kirina jêrxana wê û parastina wê ji her metrsyekê
da ku em hemu bi bawerî berev bi cih anyna armanc û hêvyê xelkê Kurdistanê bikevin ji imnahye û ser bexo bunê . Rehmet li ruha cangoryên karesata Şingalê bin .. serberzî û nemirî bo cangoryên pêşmerge .. azadî bo keçên me yên revandî .. ser şorî û şermezarî bo rêkxstina Da’ş ya tîrorst
Desteya bilinda bingehê laliş yê rewşenbîry û komelayetî \ Duhok
2\8\2016
تُتاح هذه الصورة أيضا في: Kurdî