Parlamentoya Iraqê bêyî rizamendiya kurdan, bûdceya sala 2018 pesend kir!
BasNews
Parlamentoya Iraqê bêyî rizamendiya nûnerên gelê Kurdistanê, bûdceya sala 2018 ya Iraqê pesend kir.
Qasekî beriya niha bûdceya sala 2018 ya Iraqê, ku ev çend meh bûn dihat gotûbêjkirin, ji aliyê parlamentoya Iraqê ve hat pesendkirin.
Li ser vê mijarê, parlamentera kurd û endama firaksyona YNKê li parlamentoya Iraqê Rêzan şêx Dilêr ji BasNewsê re got, parlamentoya Iraqê bûdce bêyî rizamendiya kurdan pesend kir.
Rêzan şêx Dilêr her wiha got, ez daxwaz ji rêveberiya Herêma Kurdistanê dikim li hember vê yekê helwesta xwe eşkere bike û civaka navdewletî jî ji vê zilmê agahdar bike.
Wê parlamentera kurd anî ziman ku serokwezîrê Iraqê Heyder Ebadî ne xemxorê kurd e û got, hikûmeta Iraqê dixwaze bi vê yekê ziyanek mezin bigihîne kurdan.
تُتاح هذه الصورة أيضا في: Kurdî