Kurdên Êzidî li 95 gundên Rojavayê Kurdistanê niştecî ne
Hewlêr (Rûdaw) – Bêhtir ji hezar sal e, Kurdên Êzidî li wê navçeyê dijîn, ku niha jê re tê gotin, Rojavayê Kurdistanê, lê gelek caran rûbirûyî çewisandin û komkujiyan bûne.
Kurdên Êzidî bi giştî li 95 gundên Rojavayê Kurdistanê niştecî ne ku 33 gund ji wan li herêma Efrînê, 24 gund li sînorê Hesekê, 18 li Serê Kaniyê, 12 li Amûdê û 8 gund jî li sînorê Tirbespiyê ne.
Piştî ku Rojavayê Kurdistanê, sala 2012an û salên piştre, kete destê hêzên Kurdî, rewşa Kurdên Êzidî jî baştir bû, ji ber ku êdî tirsa wan nema ji aliyê grûpên Islamî yên tundrew ve ku wan bikine armanc.
Ji wê jî bêhtir, Rêvebeirya Xweser weke oleke azad dan bi ola Êzidî daye û li ser wê bingehê jî, Kurdên Êzidî bi azadî çalakî û rêûresmên xwe encam didin. Di heman demê de, Wezareta Kerûbarên Olî, li Rêvebeirya Xweser heye û Kurdên Êzidî, Kirîstyan û Elewî jî, nûnrên wan di wê wezaretê de hene.
Piştre gelek komeleyên Kurdên Êzidî di salên bûrî de, hatine damezrandin.
Kurdên Êzidî, li tevaya Rojavayê Kurdistanê ji gefan parastî bûn, heta wê dema ku di salên 2018 û 2019an de, Artêşa Tirkiyê û hêzên nêzîkî wê, ji opozisyona Sûriyê êrîşî ser Herêma Efrînê û navçeyên Girê Spî û Serê Kaniyê, kir.
Niha 51 gundên Êzdiyan li jêr destê Artêşa Tirkiyê û hêzên nêzîkî wê ne, li Rojavayê Kurdistanê, hejmareke gelek ji Kurdên Êzidî ji wan gundan, di dema operasyonan de, bûne koçber û ew ên ku mane jî, êdî bi azadane nikarin çalakiyên xwe encam bidin.
تُتاح هذه الصورة أيضا في: Kurdî