Mesrûr Barzanî daxwaz kir bi zûtirîn dem arîşeyên nexweşxaneya Hîwa bên çareserkirin

BasNews – Serokwezîrê Herêma Kurdistanê Mesrûr Barzanî, wezîrê tenduristiyê û berpirsê tenduristiya Silêmaniyê erkdar kir bo çareserkirina arîşeyên nexweşxaneya Hîwa.

Serokwezîr Mesrûr Barzanî îro bi wezîrê tenduristiyê dr. Saman Berzencî û berpirsê tenduristiya Silêmaniyê dr. Sebah Hewramî re li ser arîşeyên nexweşxaneya penceşêrê ya Hîwa li Silêmaniyê gotûbêj kir.

Mesrûr Barzanî ew her du berpirs erkdar kir da ku bi zûtirîn dem arîşeyên wê nexweşxaneyê çareser bikin.

Serokê hikûmeta Kurdistanê piştevaniya hikûmetê jî bo dabînkirina tevahiya pêdiviyên wê nexweşxaneyê nîşan da û ragihand, nabe di xizmetguzariyên wê nexweşxanê de ti xemsariyek were kirin.